حلت الفنانة التونسية درة، ضيفة على برنامج اتنين اتنين، تقديم ايناس سلامة الشواف، على راديو إنرجي 92.1.
وقالت درة عن ثنائية النجاح والفشل: “النجاح الحقيقي انك تتغلب على فشلك وتقوم بعد ماوقعت اما بنجح بفرح بس بخاف من المسؤلية.. وساعات النجاح بيصاحبه منغصات”.
وتابعت: “الفعل والكلام ثنائية مكملة لبعض .. الفعل اثبات بس بنحتاج التعبير عن الحلو.. اما لو الكلام هيضايق يبقى بلاش.. الكلمة الطيبه صدقة”.
وعن أعمالها القادمة، قالت درة: “أحضر لعمل قوى بعد العيد عشان كده مظهرتش فى رمضان لان الحضور والغياب لازم يكونوا بحساب فنيا و اجتماعيا”.
وعن الشعور بالامان في حياتها، قالت: “الامان اعتبره تانى نعمة بعد الصحة.. الامن بيكون شعور تجاه ناس اقوى من الحب والصداقة عكس الامان مش الخوف لكن عدم الارتياح، فالجسد بلا روح لاشئ وبيتأثر بيها جدا كل ما ننمى الروحانيات الجسد يستجيب “.
وعن ثنائية الخير والشر، قالت: “قدمت الشر فى مسلسل عربي مش مصرى اسمه الحرملك و طلع منى طاقة مختلفة لانه شريرة شكلها يخدع وشها مبتسم وده الموجود فى الحياة، حيث اعتبر الشر مرتبط بالمرض النفسي لان الخير هو الاساس”.
وعن ثناية الموت والحياة، قالت الفنانة درة: “اتمنى الحياة والموت تبقى زى الـ game فيها فرص كتير عشان نصحح بس طبعا ده خيال والواقع انهم مرة واحده .. وعن نفسي اخاف المرض اكتر من الموت لانه فيه ألم وعبء على من حولك “.
