هاجمت المذيعة المصرية دعاء فاروق، الممثلة بسنت النبراوي، التي صرحت إنها توافق على المساكنة شرط ألا تكون محرمة.
قالت دعاء ردا على الممثلة: (احنا بقينا بنتكلم عن المساكنة وكأنها شيء عادي، المساكنة هي الزنا … وإزاي فنانة تطلع تصرح وتقول لو المساكنة مش حرام كنت عملتها … انتي مدركة بتقولي إيه بتقولي لو الزنا حلال كنت عملته).
تابعت: (أنا مالي إن في اتنين برا عملوا كدا في مجتمع لا يمت لديننا ولا لمجتمعنا بصلة، خلاص نتعامل معاه كأمر واقع).
اقرأ: تامر حسني يخون بسمة بوسيل مع الفاتنة يارا؟ – صور
اضافت: (هي المساكنة بقت موضوع عادي نتناقش فيه؟ بكرا نسمي “بيوت الدعارة” “بيوت السعادة” ونسأل الشباب تحب تروح بيوت السعادة؟).
كانت بسنت النبراوي قالت خلال استضافتها في برنامج Faceoff، الذي تقدمه سارة نخلة عبر قناة هي: “المساكنة أولا حرام في الدين، لكن لو كانت مش حرام كنت هقول أوكي ده حقي”.
وأضافت: “لو في حاجة الدين مش محرمها مش مهم المجتمع فيها أوي، الدين الأول والأهم”.
أوضحت بسنت النبراوي أن المساكنة في رأيها غير مفيدة بالضرورة قائلة: “حتى لو قعدتوا في المساكنة شهر أو سنة، ممكن يبان شوية حاجات، لكن لما تبقي مراته وعلى ذمته وامتلكك ممكن يظهر الوجه القذر والأقذر”.
وتابعت: “في المساكنة الراجل ملوش سلطة عليكي، ممكن في لحظة تمشي غير لما تبقي مراته”.
واستبعدت بسنت النبراوي إمكانية إصلاح صفات الرجل السيئة بعد الزواج قائلة: “في حاجات غير قابلة للإصلاح، لو اكتشفت إنه مدمن مخدرات مثلا، أو بعد الزواج عرف ناس مش لطيفة وبقى مدمن”.