حضرت الفنانة المصرية دينا الشربيني جنازة الفنان المصري الشاب هيثم أحمد زكي، التي شيعت بعد ظهر الخميس ٧ نوفمبر، من مسجد مصطفى محمود في منطقة المهندسين.
دينا تحدثت عن علاقتها بهيثم وقالت: (أنا مبعرفش اكتب ولا عمرى كتبت .. بس أنا مش قادره اصدق أنى مش هشوفك تانى!! ولا هتكلمنى فى التليفون تانى وتقولى يالا نتقابل..ولو مردتش عليك الاقيك بعتلى مسدچ بتقللى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجة).
تابعت: (طول اليوم كنت بهرب من أنى اصدق ان ده حصلك أنت ياهيثم…لحد ما جيت انام دلوقتي ومش هاين عليا أنام واحنا سيبينك لوحدك.. كنت دايما تقلنا كلنا اسألوا عليا لحسن اموت لوحدي و محدش يعرف.. كنت طيب وجدع وحنين وعامل زى العيال الصغيرة).
اختتمت حديثها: (نفسى نحب بعض كلنا ونخاف على مشاعر بعض ، مش لازم نستنى حد فينا يموت علشان نفهم ان الدنيا مش مستهله.. هيثم شاف أيام صعبه وضغط كبير من الناس وتنمر ومقارنه مش عادله وللأسف مشفش حب الناس لى الإحنا شايفينه دلوقتي.. أنا عارفه انك فى مكان احسن من الاحنا فيه وسط حبيبك..كان نفسك ترحلهم واديك رحت يا هيثم).
الممثل المصري الشاب هيثم ابن القدير الراحل أحمد زكي توفي فجر ٧ نوفمبر/تشرين الثاني، عن عمر يناهز الـ ٣٥ عامًا، ما شكّل صدمةً عند جميع المتابعين والفنانين الذين نعوه.
إقرأ: ابن أحمد زكي كيف توفى وخطيبته لماذا اختفت
