تحدث الفنان المصري رامي صبري، عن رأيه في ظهور بعض الفنانين الرجال بملابس شفافة أو حلق، وتصدرهم التريند بهذه الإطلالات.
وقال رامي صبري خلال لقائه في برنامج “حبر سري” مع أسما إبراهيم عبر قناة “القاهرة والناس”: “التريند مش بيشغلني، في حاجات مقدرش ألبسها، أنا بخاف من الجمهور وبحترمه سواء في الكلام وأنا بكتب الأغنية أو في اللبس، أنا معرفش أعمل كده وأنا بشتغل ببقى شايف الجمهور قدامي الأم والبنت،الحتة دي مهمة عندي من زمان في خطوط عندي مقدرش أتعداها”.
تابع رامي: “في حاجات أنا مش بعرف أعملها، أنا مش معترض عليها اللي عايز يلبس حاجة أو يعمل أي حاجة يعملها كل شخص من حقة يعمل أي حاجة وأنا من حقي أرفض الحاجة دي أو أعملها أنا بهتم بـ ست البيت والبنات أنهم يشوفوني بشكل محترم إني أخلي بالي من لبسي والأغاني، في أغاني كتير بتجيلي جريئة وبيبقى نفسي أعملها بسبب كلمة أو جملة مبعرفش أعملها”.
البعض اعتقد أن رامي يقصد بتلك التصريحات النجم المصري عمرو دياب، الذي يضع الحلق في أذنيه باستمرار، لكن رامي لم يذكر أي أسماء، وليس شرطًا أن يكون قصده دياب!