أعلن المنتج المصري معز مسعود، زوج الفنانة المعتزلة حلا_شيحة، اعتزامه مقاضاة الناقد طارق الشناوي، بسبب الإساءة لهما في برنامج تلفزيوني بعد اعتزال حلا شيحة.
كتب معز مسعود: “طارق الشناوي تعمّدت الإساءة إلى شخصي وأهل بيتي كثيرا، والآن تجاوزت حدود تخصّصك كالعادة وتعدّيت على حياتي الشخصية وأسأتَ ليّ ولزوجتي وأهلها، فمن واجبنا أنا وزوجتي كمواطنيْن مصرييْن أن نقاضيك لتأخذ العدالة فيك مجراها وردعًا لكل من يقحم نفسه في حياة الناس الشخصية”.
في الوقت ذاته رد الناقد الفني طارق الشناوي، على إساءة الداعية الشاب معز مسعود، قائلا إنه لم يصرح بشىء لم يقله والد الفنانة حلا شيحة، بينما معز نفسه هو السبب فى تطور الأمور وتحويل الموضوعات الشخصية إلى موضوعات عامة.
تابع قائلاً: (الكلام اللى قلته ليس منى ولكن من كلام والد حلا شيحة عندما قال ان ابنته اختطفت، فكان معز مسعود يرفع دعوى على الأب مش عليا).
وأضاف طارق: (أنا لم أدلِ بشيء خلال اللقاء التليفزيونى لم يقله الأستاذ الفنان الكبير أحمد شيحة والد حلا، وقلت كل ما قاله الوالد وأعربت عن حزنى بحدوث تراشق بين أب وابنته على الملأ، فأنا مستغرب بإقامة معز مسعود دعوى ويشغل القضاء لأن وقت القضاء أثمن بكثير من أن نبدده في شيء ليس له علاقة بالقضاء).
وتابع: (معز مسعود أخطأ بأنه تحدث هو وزوجته على الملأ وجعل القضية من شخصية إلى عامة؛ لأنه هو من بدأ مخاطبة زوجته على السوشيال ميديا، إذن هو من أحال الشخصى إلى عام، فعلى سبيل المثال لو إحنا أصحاب وليا عتاب عندك هاقوله في التليفون وترد عليا، لكن لو اتكتب على الصفحة يبقى من حق أى حد معدي يقول رأيه سواء قال انت صح أو غلط).
واستكمل: (أنا لم أقتحم شيئا خاصا وكل ما تحدثت عنه كان عاما عندما قال الأب بأن ابنته مختطفة، وهو ما أعلنه في أكثر من قناة فضائية، إضافة إلى ذلك هو أن الزوج والزوجة ناقشا قضيتهما على الملأ، إذن من حق أي إنسان أو صحفى أو ناقد أن يقول رأيه؛ لأن معز مسعود هو من أحال الخاص إلى العام وليس طارق الشناوى، وأنا أبديت رأيى فيما هو معلن، وكلمة اختطاف من عند والدها وهو فنان كبير ورجل قد الكلمة التى يقولها، وأنا مستغرب منه ومستاء من كلامه الذى يسيء لشخصه تماماً).
وكانت حلا شيحة، هاجمت مؤخرا الفنان تامر حسني بعد طرحه كليب “بحبك” من فيلمه الجديد “مش أنا” المعروض حاليًا بدور العرض، وذلك عبر قناته على يوتيوب.
اقرأ: حلا شيحة تحذف تامر حسني وما دخل أزواجها؟ – صور
كتبت في هجومها على تامر: (أنا اتفاجأت جدا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته ووضحت فيه أنا ايه.. واتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه حيحترم رغبتي.. إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح أنا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا وأنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی”.
اقرأ: حلا شيحة تقاطع محمد رمضان وتامر حسني!
وتابعت حلا شيحة: “انا مش حتكسف من حد انا تبت من المشاهد دي وهي لا تصح وانا غلطت وبصلح وأهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.
اقرأ: حلا شيحة الأقرب إلى الإسلام الحقيقيّ اعتزلت أم لا
تامر لم يصمت أمام تخاريف حلا وإهاناتها، وفهمها الخاطئ للتدين، فرد عليها وأحرجها قائلاً:
(نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو).
تابع: (أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا).
اقرأ: حلا شيحة الأقرب إلى الإسلام الحقيقيّ اعتزلت أم لا
اضاف: (و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل؟).
