أطل الفنان المصري حسام_حبيب فجر اليوم، في مقطع فيديو مصور ظهر فيه برفقة زوجته النجمة شيرين عبد الوهاب وابنتها الصغرى (هنا)، ثم طلب منهما مغادرة الغرفة لأنه سيرد على جميع ما نشر عنه الفترة الماضية، بعد نشرنا لتسجيلات صوتية لوالده حسين حبيب، يفضح فيها مخططه بالزواج على شيرين وسرقة أموالها وحساباتها البنكية.
اقرأ: خاص فيديو خطير – حسام حبيب يخطط للزواج على شيرين ويسرقها ووالده يفضحه
وهنا ننقل إليكم نصاً ما قاله في الفيديو المطول:
(انا عمري ما عملت فيديو ادافع عن نفسي، انا عارف مين اللي عمل كده، للاسف اقرب الناس لينا زاقين ناس على ناس علينا، والناس دي بيعملوا كده عشان بقوا مش قريبين مننا، انتوا كده بتقللوا من شيرين على فكرة انا اتجوزتها شيرين عبد الوهاب انجح واحدة في الوطن العربي، ومابتاخدش اوامر من حد ولا ارشادات من حد وهي اقدم وانجح مني، وعندها شركة ادارة اعمال على فكرة وانا ماليش دعوة بشغلها، اما بالنسبة لاقرب الناس لينا اللي انا عارف ان النهارده عشان شيرين بقت ادرى بأمورها زي ما تقول الحنفية اتقفلت من عندهم، هما هيفضلوا يعملوا الحاجات دي املاً منهم في ان العلاقة بينا تتأثر او تنتهي).
اقرأ: حسام حبيب كذب على جمهور شيرين!
تابع: (انا دايما بقول لشيرين ان ربنا اختارنا لبعض وماعتقدش ان اللي ربنا اختارهم لبعض يفرقهم بشر، ماعتقدش ان في انسان عنده علاقة بربنا كويسة يقبل يزق حد على حد ولا اللي اتزق عليه من حقه يتكلم عني كده ايا كان درجة قرابته ليا، انا مش همشي ورا فكرة انه هو بينكر او ان ده صوته ولا مش صوته، ده مايخصنيش، انا بقى عندي مشكلة في الثقة في الناس اللي حواليا، لاني اتأذيت من اقرب الناس ليا، والشخص ده مش اول مرة يأذيني وانا اسف اني بقول عنه الشخص ده مش عايز حد يزعل مني صعب جدا اني اقول الاسم العادي بعد اللي هو بيعمله ايا كان حد سجله وانا عندي دليل ان حد سجله بصوت صاحبة الموقع اللي نزلت فويس بتقول انها سلطت حد عليه لمدة ٦ شهور وزقت عليه حد خوفاً ودفاعاً عن شيرين، لا شيرين مش محتاجة انكم تدافعوا عنها ابعدوا عنها وسبوها تعيش لحياتها وبيتها وفنها وجوهورها كفاية وحسبي الله ونعم الوكيل احنا لحد دلوقتي بنتعامل بمنتهى الادب وده مش معناه ضعف لو الحاجات دي استمرت انا قادر اني ارد عليها واجيب حقي بالقانون ايا كان مين).
اضاف: (اللي زق البنت دي فعليا واللي اتسجله فعليا هما من اقرب الناس ليا وانا مش هيفرق عندي صلة القراية اية هيفرق عندي ان البني ادم ده بيفتري وجاب سيرة اعراض وجاب سيرة امي وامي دي اغلى الناس عندي، انا وامي والراجل اللي خلفني منفصلين من ٣٠ سنة وامي هي اللي ربتني وعلمتني وهي اللي كانت تقولي اسأل عنه مهما اذاك وكنت بعمل كده لحد اخر لحظة لكن سللت دينيا وشرعا قالولي لا طبعا لو الاذى وصل لكدة لا طبعا ماينفعش).
اختتم كلامه: (وعايز اشكر الناس اللي دافعوا عني واحسن من الناس اللي في دمي، كابتن ابراهيم سعيد اخويا وحبيبي وصاحبي عشرة العمر، المذيعة الكبيرة المحترمة بسمة وهبة كتر الف خيرك بجد، انتي ماكلمتنيش ولا انا كلمتك ولا اي حاجة ولسة ماتفرجتش بس سمعت من امي وكتر الف خيرك انك كنتي بتتكلمي في نقطة مهمة هو ده لقاء صحفي ولا ده تسريب لمكالمة وانا هبعتلك فويس نوت بتاع صاحبة الموقع اللي حضرتك كنتي بتكلميها بتقول فيه انها زقت عليه واحدة لمدة ٦ شهور عشان تسجله. وبشكر طبعا الاعلامي عمرو_اديب).
إذا زوج شيرين يتهم شقيقها محمد عبد الوهاب بالزج بالفتاة التي سجلت لوالده اعترافاته الخطيرة، ونحن نؤكد لكم أن شقيقها بريء ولم يفعل شيئاً.
حسام يحاول الانتقام من شقيق شيرين، رغم أن الأخوة مهما حدث بينهم يظلوا أخوة، ويلمح أن شيرين كانت تنفق على شقيقها رغم أن هذا لا يعيبها بل من واجباتها، وما يعيبها هو أن تنفق على زوجها خصوصاً إن كان قد تسبب لها في فراغ فني طويل!
كانت شيرين في قمتها أثناء الفترة التي تولى فيها ياسر خليل إدارة أعمالها، وقبله كانت أيضاً بكامل رونقها مع المنتج نصر محروس الذي قدمها للجمهور.
حسام منع شيرين من أسرتها وطردهم من منزلها، والآن يتهم شقيقها كي يزيد من الايقاع والحقد بينهما ونحن نقسم بشرفنا أن شقيقها لا علاقة له بالموضوع.
وعلى كل حال.. الأيام ستدور وستتحرر شيرين آجلاً أم عاجلاً من هذا الاحتلال والمرض الخبيث الذي اصابها!
لعله أبتلاء على هيئة بشر!
https://www.instagram.com/tv/CQr8hKVglK3/?utm_medium=copy_link
