دافعت المطربة المعتزلة ناريمان، عن زوجها الفنان المصري رامي_جمال، بعد تعرضه لهجوم كبير بعدما وجه لها في عيد ميلادها رسالة ساخرة فسرها البعض على إنها غير لائقة.
كتبت ناريمان عبر صفحتها:
(هو يعنى ايه ادخل اشتم حد واهينه واقل ادبى واقول معلش اصلك شخصية عامة).
تابعت: (يعنى انا جوزى بيهزر معايا وبيرخم عليا وانا بحب هزاره دا يعنى انااااا حباه فا دخلت الناس شتمته وخدت البوست وهاتك يا تهزئ فيه فا لما نزلت انا انى بحب هزار رامى دا معايا واحنا دايما هزارنا كدا راحوا شاتمتى انا اه والله العظيم زى ما بقلكوا كدا يعنى الناس قررت علشان احنا شخصيات عامة يختارلونا نهزر مع بعض ازاى و نتكلم ازاى ونتقبل ايه وايه لأ لكن احنا نفسنا مش من حقنا دا احنا شخصيا منقدرش نقرر احنا نتشتم بس ! اااه و مينفعش نرد على اى حد بيشتمنا علشان احنا شخصية عامة ! تصبحوا على خير والله يكون ف عونا وعون كل الشخصيات العامة).
اقرأ: زوجة رامي جمال: قررت أفضحك قدام الناس!
كان رامي هنأ زوجته بعيدها وقال في رسالته لها:
(يارب انت عارف اني اتجوزتها وهي عيد ميلادها ذكري الزلزال القوي اللي جه مصر وانهارده عيد ميلادك برق ورعد وحاجه فله كده عرفت انا ليه لما غنيت سقف كورونا غزت العالم).
تابع:
(الحمد لله اننا مخلفناش لاني واثق ان ابننا كان اكيد هيبقي المسيخ الدجال نهايه العالم هتبقي بدايتها من بيتنا كل سنه وانتي اول واخر واحلي وارخم حاجه في حياتي بفكر اطلقك علشان اخد الدريسينج والحق يرجع لاصحابه).
تتميز علاقة الفنان المصري رامي جمال، وزوجته المطربة المعتزلة ناريمان، بإنها لا تعتبر فقط علاقة زوجية روتينية، بل تجمع بينهما علاقة صداقة، ودائماً ما يتحدثان عن بعضهما عبر السوشيال ميديا بعفوية وخفة ظل.
لم يؤثر بهما عدم الانجاب، بل يزداد حبهما يوماً بعد الآخر، ويدعم كل منهما الثاني بقوة، ويرفضان فكرة اليأس والاحباط.
اقرأ: مات طفل مراد يلدريم وإيمان الباني
