تعرض النجم المصري محمد عادل إمام لموقف محرج من جاره الذي حمل طفله وزعم إنه عريس طفلته خديجة، ونشر صورةً لا تتعلق بما حدث.
كتب: (امبارح وانا مروح قابلت جارنا.. راجل لطيف جدًا وكان شايل طفل عمره سنتين تقريبًا.. علاقتي بجاري عبارة عن سلامات بس في الطالعة والنازلة.. المهم قلت ابقى لطيف المره دي معاه ليقولوا عليا تنك.. فاقولته اخبار حضرتك ايه.. قالي الحمدلله.. قولتله مين الولد الامور ده.. قالي ده عريس خديجة.. انا فجأة لقيت الدنيا ضلمت في وشي ودوخت ومش عارف اخد نفسي.. ومش فاكر انا رديت عليه ولا ايه اللي حصل ساعتها.. كل اللي فاكره ان انا اول مادخلت البيت قررت اني مش هسلم على الجيران تاني!! ربنا يستر على الواحد من اللي هيشوفه!! الصورة ملهاش علاقة بالموقف، بس تقريبًا ده كان تعبير وشي لما الراجل قالي كده!!).
محمد دمه خفيف كما يقول المصريون، ويشارك جمهوره كل اللحظات الخاصة التي يعيشها في حياته، ويعدهم من أفراد أسرته ولا يغتر أو يتكلّف أمامهم.
