وجهت المذيعة المصرية مروة صبري، نقد لاذع للفنانة مها_أحمد، بسبب الفيديوهات التي تظهر فيها الأخيرة عبر تطبيق “تيك توك”، ولكن ما استفز مروة هو ظهور شخص في أحد اللايفات التي جمعت مها بالفنان فادي خفاجة ومطرب يدعى طه، قال لها: “واضح إن الفن مبيأكلش خبز”، وردت عليه مها وقالت: “أه طبعا.. ما بيأكل خبز”.
وقالت مروة صبري: “إنتوا مين، بجد إنتوا مين، إنتوا لا تنتموا للفن المصري، ولا تنتموا للفن من الأساس، إزاي ده، واللي معاهم وطالع يقول كلام غريب ده طه كان مطرب وملحن، وطالع يقول ألفاظ غريبة، والفيديو اللي إنتوا شفتوه دلوقتي إن في شخص طالع بيقول لها واضح إن الفن مبيأكلش خبز، قالتله أه طبعا ما بيأكل خبز، إحنا طالعين نشحت وطالعين نتسول على التيك توك وعلى اللايف.. إحنا طالعين علشان أنا مبيجليش أدوار فأنا طالعة أكسب فلوس بأي طريقة”.
وهو الأمر الذي جعل مروة تلوم على مها وعلى ما يتبع هذا النهج من الفنانين، وقالت: “طيب ينفع حتى وإن كانت دي نيتك، هل ينفع تطلعي تقولي كده، إزاي، كفاية بقى يا جماعة شماعة الفن اللي إنتوا قاعدين تعلقوا عليها أخطائكم، والمصايب والكوارث اللي بتعملوها، إنتوا بتهينوا الفن، إنتي لو عملتي دور أو اتنين أو تلاتة وشايفة إنهم سايبين علامة عند الناس، إنتي بتخسريهم، إنتي بتمسحي تاريخك بأستيكة”.
وتابعت مروة حديثها قائلة: “ومها أحمد أسم مش قليل، مها أحمد نجمة من النجوم، لما تطلعي إنتي بالمنظر ده وتقولي أصل إحنا شحاتين وطالعين نشحت والفن مبيأكلش عيش، يا ستي حتى لو الفن مبيأكلش عيش إعملي أي حاجة تانية، إلا إنك تطلعي بالمشهد ده قدام الناس”.
برنامج “قعدة ستات” تقدمه مروة صبري كل يوم سبت، عبر شاشة قناة “اليوم” التابعة لقنوات أوربت، في تمام الساعة ال10:30 مساء.
