وجهت الفنانة المصرية شيماء_سيف، انتقادات لمقدمة البرامج ياسمين عز، بسبب تصريحاتها الداعمة للرجال على حساب السيدات، وذلك خلال حلولها ضيفة على برنامج “كلام الناس”.
قالت شيماء موجهة كلامها لياسمين: “أنتِ بتخاطبي مين بكلامك دا يا ياسمين، أان جاية وعايزة اجيب من الآخر، أنتِ في حالة حب أنا مقدراها، وبتخاطبي حبيبك، معنديش مشكلة، نبعت له الكلام دا فيديوهات على الموبايل، احنا كستات شايفين كتير، انا كنت ناوية مجيش عند الحتة دي عشان الحلقة تعدي بسلام، أنا مكبوتة وستات مصر مكبوتين أكتر مني، ارجوكي مرارتنا المستشفيات مش هتكفي فقع المرارة”.
اقرأ: هل اخطأت مي كساب بخضوعها لعملية تكميم المعدة؟
تابعت: “اللي بيطبقوا كلامك المجانين، الستات المجانين، اللي هي قاعدة اصلا في غيبوبة مابتشوفش جوزها وهو قاعد بدل ما يحط الكوباية على الترابيزة يدب دالقها، وبيعمل حاجة واحدة، وزعلان اوي وهو بياخد كيس الزبالة، ومين هياخد كيس الزبالة، أنا اخده؟”.
استكملت: “أنتِ عارفة إيه أكتر حلقة لكِ استفزتني، حلقة الفالنتين، كنت هرمي التلفزيون، مش عايزاه يجيب هدية؟ إيه يا ياسمين أنتِ تعرفي ناس تانية؟ إغريقي؟ اشوفه هذا الفرعون اللي بيتقاله كدة”.