أجرى الفنان المصري وائل عبد العزيز، مداخلة هاتفية مع المذيع عمرو_أديب عبر برنامجه (الحكاية)، على شاشة MBC.
اقرأ: ياسمين عبد العزيز تخضع لعملية مفاجئة وزوجها: أنا أضعف إنسان!
أعلن وائل عن موعد خروج شقيقته الفنانة ياسمين_عبد_العزيز من المستشفى وقال:
(خلال اسبوع او عشر ايام بالكتير تكون في بيتها، حسب كلام الدكاترة، وهي دلوقتي في غرفة عادية بس ممنوع عنها الزيارة).
تابع:
(بس هي تعبانة ومحتاجين وقت عشان نتطمن عليها).
اضاف: (عملت عملية وتاني يوم عملت عملية تانية، ولكم ان تتخيلوا صعوبة اجراء عمليتين فتح بطن ورا بعض، ومادخلتش في غيبوبة خالص على فكرة).
استكمل: (احنا بندخل وبنشوفها بس هي قليلة الكلام دلوقتي لانها تعبانة جداً).
مصادر مقربة من ياسمين اكدت إنها اصيبت بورم ليفي في الرحم، وخضعت لعملية جراحية لإزالته تحت إشراف الطبيب سامح زكي.
خلال إجراء الجراحة حدث خطأ طبي كبير، سبب لها تسمماً في الدم أدى إلى تدهور حالتها الصحية واستلزم خضوعها لعملية جراحية أخرى، ومن ثم نقلت إلى العناية المركزة.
ورغم انتشار تلك المعلومات إلا أن زوجها الفنان أحمد_العوضي، يلتزم الصمت ويرفض الادلاء بأي تفاصيل عن حالتها الصحية.
اكتفى العوضي بطلب الدعاء لها، موضحاً أن حالتها صعبة وعبر عن قلقه الشديد عليها، معتبراً أنه يمر بأضعف لحظات حياته.
إقرأ: ياسمين عبد العزيز لم تلجأ للتجميل وهذه النتيجة! – فيديو
كتب العوضي عبر صفحته:
(يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه … انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره).
تابع: (وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم).
إقرأ: ياسمين عبد العزيز وضعت المساحيق لمرة نادرة! – صورة
ياسمين الآن أفضل وتحسنت حالتها، ونقلت الى غرفة عادية وغادرت غرفة العناية الفائقة، على أن تظل بالمستشفى لمدة أسبوعين ثم تعود لمنزلها.