خرج الفنان المصري محمد رمضان عن صمته، ورد لأول مرة على الفيديو المنتشر له، والذي يظهر فيه يصفع شاب في الساحل الشمالي بعد سخرية الأخير منه.
اقرأ: محمد رمضان سخر من عمرو دياب ووقع في نفس الحفرة!
نشر رمضان مقطع فيديو عبر حساباته بمواقع التواصل الاجتماعي، قال فيه: “الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير”.
وأضاف: “بس الفيديو دا أنا عامله عشان أعترف بغلطي وأعتذر لأهل الولد الصغير أني إيدي اتمدت عليه وأنا عارف أنه عيل صغير لأنه لما غلط في الأول قلعته الكاب وبصيت في وشه لقيته عيل صغير، قولتله اسمك ايه يا حبيبي، قالي اسمي كذا قولتله تمام وسبته ومشيت”.
وتابع محمد رمضان: “ولكن هو غلط تاني فلفيت تاني قولتله هات الموبايل مرضيش فضربته قلم بسيط وبسببه طير له الكاب والنضارة اللي كان لابسها، وإذ كان الناموسة اللي هو ادهاني على وشي فانا استاهل منها خمس زيهم، عشان أنا مديت إيدي على عيل صغير ودي لا رجولة ولا بطولة، فدي الغلطة اللي طالع اعتذر عنها، ولما أخدت الموبايل منه ومسحت الفيديو حد قالي اكسر له الموبايل عشان ميعملش كدا تاني، قولتلهم طب هو غلط ذنب أهله إية يتكلفوا موبايل جديد، قولتلهم سيبوه يروح لأهله، وكان ممكن اعمل له محضر، لإني لما سألت عرفت أنه نازل في قرية تانية “اللوتس”، ودخل “مراسي” وهو مش قاعد فيها”.
اقرأ: عمرو دياب بأول رد بعد صفعته للمعجب!
الغريب أن رمضان الذي يدعي أنه نشر الفيديو لأجل الاعتذار من المصفوع، إلا إنه بدا واضحًا أن هناك سبب آخر لنشره الفيديو وهو سخريته من الصفعة التي ردها له الشاب، حيث وصف الصفعة قائلًا: (ناموسة ادهاني على وشي).
ويبدو أن رمضان كان يشعر بالاستياء والاستفزاز من الشاب الذي دافع عن نفسه ورد له الصاع صاعين في نفس اللحظة، ولهذا خرج علينا بهذا الاعتذار الغريب الذي كان من الأفضل أن يتم دون السخرية من الشاب نهائيًا!
