رثى الممثل اللبناني جان بو جدعون زميله الممثل اللبناني القدير فادي ابراهيم الذي كان توفي منذ يومين، ولحقت به والدته قبل يوم من الدفن.
اقرأ: وفاة والدة فادي ابراهيم قبل يوم من دفنه
كتب جان حوارًا افتراضيًا بين روح فادي ووالدته بالقرب من يسوع، وكانت الرسالة مؤثرة للغاية، وجاء فيها:
إنطرني يا إمي
– لوين جايي يا تقبري قلبي؟
*مش قادرة شوفك بلا إجر..وبلا صابيع
– بعدني هيّن قدّام غيري..
*زحلي لإقعد حدّك..
– ما إنت ساخني يا تقبريني ..كان لازم ترتاحي..
* أنا هلق إرتحت..بس شميت ريحتك..
– بعدن عايزينك تحت..
* مش أنا اللي جيت يا إبني..قلبي ضهر من جسمي ومشي قدامي لعندك ..
– خليني أغمرك لإرتاح..
* إنت هيك بترتاح ..بس أنا اللي لازم إرتاح..
– كيف بترتاحي يا إمي..
* بس أعطيك إجري وصبيعي …وشوفك واقف برتاح..
– ما إجريكي بيوجعوكي وإيديكي كمان..
* بس يصيروا إلك بيصحّوا يا إبني..
– ٱخ يا إمي زدتيلي أوجاعي…كيف فيي كافيكي..؟
* كافيتني من اول ما خلقت ..لأنو لبنان والناس رفعوا راسهن فيك..
– نيالي يا إمي كنت رح أنطر صلاتك من الأرض ..ذادو ملايكة الرب فيكي…إعطيني إيدك لبوسها..ووزع بركة منك..فوتي من الصقعة لندفى حد يسوع والعدرا..
