علقت الفنانة المصرية مي_عمر، على حبها لشراء ملابس غالية وعدم رغبتها في أن يشتريها لها زوجها المخرج محمد_سامي، قائلة: “بحب اجيب ملابس براند كتير ومحمد جوزي بيحب يشتريلي وانا اللي بمنعه وبلاش افورة، المفروض الراجل الطبيعي يكون جنب مراته طول الوقت، ورغم ده مبحبش انه يجيبلي حاجات كبيرة وغالية، ومن وانا صغيرة بحب اني اجيب الحاجات الغالية لنفسي، ومش حاطة الحسد في دماغي رغم اني عارفه انه موجود في القران لكن مبحبش ارمي كل حاجة على الحسد واحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني”.
اقرأ: اكثر ٥ مسلسلات مصرية مشاهدة عالميًا في رمضان ٢٠٢٤ – وثيقة
وقالت مي عمر، خلال استضافتها ببرنامج “أسرار” مع المذيعة أميرة بدر المذاع على قناة النهار: “بحب نيللي_كريم اوي وكاملة ابو ذكري خطيرة واعمالها مميزة وتدخل القلب جدًا ومحمد لو اتحط في مقارنة مع اي مخرج اكيد هختاره، حاجتين مبمسكش نفسي قدامهم التين الشوكي والقصب، وممكن بطني توجعني من كتر اكلهم”.
تابعت: “ودوري في نعمة تخنت عشانه لانها ست طبيعية وبتشتغل وبتحب الاكل وتخنت حوالي ٧ كيلو، وكنت مبسوطة بده، والمسلسل اتصور في اماكن حقيقية مش ديكور حتى المقابر، وانا عندي فوبيا من الاماكن الضيقة والضلمة، فا قالوا هنعمل تيست وهتنزلي، فا اول ما نزلت خوفت جدًا وخبطت جامد ومحمد عرض عليا ينزل معايا بس انا خفت جدًا ساعتها”.
