وجه الفنان المصري تامر_حسني، نصيحة لمتابعيه الشباب، بضرورة اتخاذ مثال أعلى لهم، كي يساعدهم ويحفزهم على النجاح.
قال حسني: “اللي مالوش كبير يشتريله كبير” وقال “مقولة جميلة بس أنا من خلال رحلتي وقد ايه في قوة جبارة الإنسان بيستمدها من اللي بيحبهم بكل جوارحه وطبعا كلامي عن النجاح العملي في العمل اللي تحبه”.
اضاف: “حبيت اقول المقولة بطريقة تانية وهي “اللي ملوش مثل أعلى يشتريله مثل أعلى” والله لما بتحب حد ناجح وتتأثر برحلته أو طريقته ونجاحه فعلا بتقدر تبقى زيه وممكن احسن كمان، ممكن طبعا تنجح من غير ما يكون عندك مثل أعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات أنت متعرفش نتايجها بس بتعرفها من خلاله بتشوف تفكيره في التطوير وتفكيره ازاي يتخطى الأزمات وتفكيره في المواكبه لكل مرحلة في حياته، ازاي كسر سقف نجاحه علشان أنت كمان تعمل زيه”.
اقرأ: ياسمين رئيس: بيضرب إيرادات وأخبار وهل قصدت تامر حسني؟
تابع: “اللي ملوش مثل على يشتريله مثل على” يعني يدور ويركز مع حد يحبه ويتعلم منه وعلى فكرة مش شرط في مجاله ممكن تحب حد في مجال تاني وتحاول تطبق مرحلة في مجالك دة كان كلام من واقع تجربتي ورأي الشخصي”.
اختتم: “ربنا يوفقكم كلكم وتوصلوا لابعد من احلامكم وتبقوا انتو كمان مثل على لناس بعدكم”.