تحدث المخرج المصري هادي الباجوري، عن انفصاله عن زوجته الممثلة المصرية ياسمين_رئيس، خلال حلوله ضيفًا على برنامج “حبر سري” تقديم أسما إبراهيم عبر قناة “القاهرة والناس”.
وبسؤاله من قبل المذيعة “أسما إبراهيم” عن السبب وراء انفصاله من الفنانة ياسمين رئيس: “بصراحة كده تصريح عدم الغيرة على ياسمين رئيس هو سبب الطلاق؟”.
اقرأ: ياسمين رئيس: لو عملت حاجة وأنا مش مرتاحة بتعالج!
رد “الباجوري”: “التصريح ده كان فيه انترفيو وكان الكلام على أن لو في أدوار معينة ممثلة لازم تعملها عشان انا كنت وقتها عامل فيلم قمر 14 وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟، وكان ردي عايزني أبقى منافق يعني مينفعش ابقى موافق إن ممثلة تانية تعمل ده ومش موافق على دي عشان هي مراتي”.
واستكمل: “أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة أني راجل مؤمن باللي أنا بعمله وبقدمه بشكل واضح وصريح”.
