ردت الممثلة السورية القديرة وفاء موصللي على صديقتها وزميلتها الممثلة السورية سوسن ميخائيل التي عاتبتها على العلن وامام الكل لأنها لا تسأل عنها.
شرحت لها وفاء الأسباب وقالت إنها منشغلة بوالدتها وبالاوضاع الاقتصادية الصعبة، وانها موجوعة لكنها لا تتحدث عن أوجاعها كما تفعل سوسن.
اقرأ: وفاء موصللي بصورة صادمة!
وكتبت وفاء عاتبة على صديقتها: (العتب مقبول يا سوسو وبعتذر منك، بس يا ترى فكرتي كيف عم قضي اوقاتي؟ خطرلك تفكري شو هم بيصير معي؟ الفرق بيني وبينك اني ما بحكي عن أوجاعي وألمي، بتعرفي اني ملازمة ماما ثانية بثانية، حتى تلفون ما فيني احكي الا بوقت متأخر بالليل)
وتابعت: (بتشوفيني على الفايسبوك كيف عم شجع الناس عالتفاؤل ومساعدة بعضنا بتأمين الدواء أو أي شي.. وكتبتلك تعليق على الفايسبوك وتمنيتلك الشفاء ودايمًا بفرحلك لما تكوني مبسوطة لو كنتِ بتعرفيني منيح ما بتعاتبي بالعكس بتلمسيلي الاعذار.. والله يوم جيت على عيد ميلادك كنت كتير مكتئبة وما حسستك.. بهاد الزمن وهيك ظروف ما لازم نعتب على بعض)
اقرأ: سوسن ميخائيل وأول إطلالة لها بعد العملية من منزلها – خاص فيديو
وختمت: (أنا حدا كتير مضغوط بعيلتو وبالظرف الاقتصادي السيء.. كان فيكِ تتصلي فيني وتعاتبيني على كل حال بوعدك ما بقى خبرك على شي خيري أبدًا وبحبك وبخاف عليكي وبتمنى ما تزعلي مني عنجد انا آسفة)
سوسن ردت على رسالة وفاء وقالت: (حبيبتي عتبي على محبة ولو ما كنت بتعنيلي مت بحس بغيابك وغياب صوتك واكيد كل الناس عندها هموم ومشاكل وما حدا مرتاح بحبك كتير والله يكون معك ومع والدتك.. انت عودتينا على لهفتك ومحبتك وخوفك علينا)
