تحدث المنتج وليد_منصور، عن ظاهرة منظمي الحفلات الجدد الذين ظهروا بشكل مفاجئ مؤخرا علي الساحة الفنية بعد حدوث أخطاء كبيرة وسوء في تنظيم بمجموعة كبيرة من الحفلات الفترة الماضية.
وكتب وليد عبر صفحته الشخصية علي موقع التواصل الاجتماعي فيس بوك: “زمن انتش وجري ستايل.. ده اللي بيحصل في عالم الحفلات.. ظاهره منظم الحفلات المنتشره بشكل مضحك للاسف كل واحد معاه رقم مدير اعمال او صديق فنان او جار حد صاحب فنان او ابن خالت حد حاره زميل اخو فنان او مدير اعمال فنان او شريك مدير اعمال بقي يقولك انا منظم حفلات”.
اقرأ: شيرين تخرج عن صمتها وتوضح حقيقة حملها
وأضاف: “للاسف الفنان ساعات يكون سبب في انه يساعد ناس تقول كده علي نفسها ان الفنان علشان يضمن الحد الادني من نجاح يقول اني هاجي بكل تجهزات بتاعتي وانت نظم بقه وفي الاخر الحفله بيكون كلها مشاكل الدين و الدينا و يطلع بقولك انا منظم الحفل بره مصر واي دوله منظم الحفلات ده لازم سجل تجاري و مقر و سابقه عمل و حاجات كتير”.
واوضح: “منظم الحفل هو اللي بيحجز المكان و يعمل تصاريح و يقعد مع الامن يعمل خطه الامنيه ويروح ضرايب الملاهي وهو اللي يرسم شكل المسرح و ينظم دخول الجمهور و خروجه وسلامه الجمهور وتوفير الاسعاف والمطافي و تصوير الحفل وعمل دعايه الحفل و كل تفاصيل الحفل عنده ده منظم الحفل”.
استكمل: “في في مصر ناس كتير وكيانات محترمه زي موسي ابوطالب و اشرف هريدي و وهادي لبيبه جارو و و يا جماعه بجد ارحمونا و يا فنانين بجد مفيش حاجه اسمها كده الحفله مش انك تيجي بتجهيزات يبقي كده حفله ولازم نفهم في فرق بين منظم الحفله و صاحب الحفل او منتج الحفل او جهه صاحبه الحفل كلمتين كل ما اقعد مع حد يقولي والنبي اشرح لينا اللي بيحصل في شغلانه عندكم”.
واختتم “عدم خبره منظم هي اللي بتظهر لينا ناس غريبه يتعمل ليها حفلات واخيرهم هتلاقي انتش واجري بكره بيعمل حفلة”.