حل الفنان المصري حسام حبيب، ضيفًا على برنامج (العرافة)، الذي تقدمه الإعلامية بسمة وهبة، عبر قناة (النهار).
اقرأ: مفاجأة شيرين في رمضان والجرس صدقت!
تحدث حسام عن تفاصيل علاقته بطليقته النجمة المصرية شيرين عبد الوهاب موضحًا أن حياته تدمرت بسببها.
وقال: “الدكتور اللي كان بينظم علاقتنا كان ينصحني لو شيرين متعصبة سيب المكان وروح مكان تاني، وعملت كده فعلاَ ونمت وصحيت ملقتهاش في البيت بعد كذا يوم كلمتني وقالتلي هي فين وطلبت اروح لها”.
تابع: “روحت لها كان في واحد صاحبنا وواحدة صاحبتنا وبعدها طلبت مني أسمع لها الأغاني بتاعتي اللي أنا عملتها وحينما سمعتها قالت لي أنت بتعمل لنفسك أغاني أحسن من اللي بتعملها لي وراحت معيطة”.
اضاف: “بعد كده صاحبتنا قالت لي خلي بالك من فلان هو بيسخن شيرين عليك، دخلت لها هي قالت ليا أنت بتكلم معاها في أي أنت جاي تنكد علينا، وقالت لي أقوم روح، وبعدها قالتلي أنا عايزا اطلق، قولتلها كفاية ياشيرين، وبعدها قولت لصاحبتنا روحي شوفي فين شيرين خبطنا عليها مش بتقتح لكن بعدها طلعت لقيناها بالمنظر ده أنا اتخضيت جداَ فهي اللي حلقت شعرها”.
اختتم: “كفى أذى لأهلي والمقربين مني، وأقول لهم جميعا أنا آسف، وللأسف علاقتي بشيرين دمرت أهلي وكل من حولي، ومستحيل أرجع لها”.