وجه الشاعر المصري تامر حسين، رسالة لصديقه الفنان المصري رامي صبري، بعد هجوم مغني الراب ويجز على رامي في الفترة الأخيرة.
اقرأ: اليسا اختارت سيلين ديون لا جينيفر لوبيز – صورة
كتب تامر:
“رامي صبري شهادتي فيك مجروحة، أنت صوت عبقرى مش محتاج رأيى وخطواتك ماشاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامى أنت رقم ٢ ف الإستماع بعد الهضبه البوم مكانك وفى الصدارة”.
تابع: “تصريح مش موفق مِن ويجز رغم انى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط
انما الأرقام اللى قالها مش أرقامك ولا الطريقة مُناسبه وإنت الكبير ياروما”.
اضاف: “ويجز لو يعرف إنت اول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دى شهادة حق والله”.
بدوره رد رامي على تامر قائلًا: “حبيبي تامر حسين الشاعر الكبير العظيم شكرا علي كلامك الجميل اللي زيك ويجز اخويا الصغير وانا مسامحه وحصل خير”.