بعد ساعات قليلة من انتهاء الحفل الناجح الذي أحيته الفنانة المصرية شيرين_عبد_الوهاب، في مدينة جدة السعودية، أعلن مدير أعمالها إيهاب صالح عن انتهاء العمل بينهما بشكل رسمي مع استمرار العلاقة الودية الطيبة التي كانت تجمعه بها.
اقرأ: مدير أعمال شيرين المحترم يتركها! – خاص
كتب صالح عبر صفحته على السوشيال ميديا:
(جمهور شيرين العظيم، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة أللى فاتت ليها في المقام الاول وطبعا بعد كدة ليا. قررنا إن من الافضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين و لينا اسبابنا.
مبروك وشكرا يا شيري من كل قلبي ويا رب اكون كنت على قد وعدي وكلمتي ليكي انى دايما في ضهرك و الحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الالبوم على أبواب ومتأكد إنه هينجح نجاح غير عادي.
فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي. أنا كدة كدة دايما موجود زي مانتي عارفة وربنا يديم كل أللى بينا على خير وأسف لو في أي لحظة كنت قصرت معاكي باي شكل.
اقرأ: ابنة شيرين توضح حقيقة تعرضها للضرب!
أحب اشكر كمان جمهورك اكيد إللي مشوفتش منوا غير كل خير وحب، شكرا بجد من كل قلبي.
طبعا واكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم ب شيرين ومقدر قيمتك وتقديرك بشكل يليق بيكي صوت احساس العرب وده مش غريب علية و دايما في ضهر كل الفنانين العرب كدة كدة. دي شهادة حق لازم تتقال.
ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما علي القمة).
الغريب أن إيهاب لم يستمر في العمل كمدير أعمال شيرين سوى بضعة أشهر قليلة، وهو ما فعله قبله كل من ميمي فؤاد، نبيل إدوارد، وكريم الحميدي.
وعلى مدار مسيرتها، غيرت شيرين عدداً كبيراً من مديري الأعمال، ربما لم تصل له أي فنانة آخرى غيرها، حيث تعاملت مع كل من: أيمن نابليون، ياسر خليل، سارة_الطباخ، شادي حسن، بالأضافة إلى ميني فؤاد، نبيل إدوارد، كريم الحميدي، إيهاب صالح.
نتمنى لشيرين الأصلح، وأن يتولى إدارة أعمالها من هو جدير بتلك المسؤولية الكبيرة لواحدة من أهم مطربات الوطن العربية.