وجهت الفنانة المصرية نيللي_كريم، عتابًا لمواطنتها الفنانة انتصار، بعدما وجهت الأخيرة انتقادًا لنيللي معتبرة إنها كانت ترقص باليه ثم دخلت مجال التمثيل الذي لا علاقة لها به قائلة: “دي بتاعة بالية”.
ردت نيللي على انتصار وقالت: “أنا بس مش بحب الطريقة، ألوم على إنتصار لما قالت هي كانت بتاعة باليه وجت، بتاع الباليه مش ماشي في الشارع في أكاديمية فنون ومعهد الباليه وأنا كنت دارسة قسم إخراج مسرح، أنا مش جاية من الشارع، أنا دارسة موسيقى وباليه وفن مع ناس محترمة وأساتذة كبار”.
كما ردت نيللي كريم على تصريحات انتصار والفنان باسم_سمرة أنها تعلمت التمثيل منهما: “بيقول إني اتعلمت منه التمثيل أنا بتعلم كل يوم لو مخرج بشتغل معاه لأول مرة أو ممثل، واتعلمت منه اه طبعا باسم أستاذ كبير، بالنسبة ليا مسلسل “ذات” كان مهم ودور يخض، وإني أتعلم منه ده شيء مش عيب، والأستاذة إنتصار طبعا اتعلم منها هي أستاذة رائعة الحاجات دي عندي مش مشكلة طول ما أنا عايشة وبشتغل في المهنة دي أنا طول الوقت هتعلم ومرديتش على الكلام دة قبل كده لأن أيوة يا نجوم يا كبار أنا بتعلم منكم وشرف ليا إني اشتغلت معاكم”.
اقرأ: دنيا بطمة مصابة بالبرص؟
وكانت انتصار اوضحت تصريحها عن نيللي كريم وقالت: “أنا قلت كده عشان باسم سمرة طلع وقال في لقاء إني أنا وانتصار علمنا نيللي كريم التمثيل، وأنا اتزنقت في لقاء بعدها على طول، وقلت ساعتها ماكنش يقصد هو كان قصده إنه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب باليه حلو جدا، وعجبني ساعتها إني نيللي كريم مردتش خالص واحترمتها جداً”.
