Close Menu
Trending
الإثنين, نوفمبر 18

والد حلا شيحة يبكي: بنتي اتخطفت! – فيديو

آخر تحديث:6 دقائق
حلا شيحة ووالدها

أجرى الفنان التشكيلى أحمد شيحة والد الفنانة حلا_شيحة، مداخلة هاتفية لصالح برنامج (كلمة أخيرة) المذاع على قناة on، وتقدمه الإعلامية لميس_الحديدي.

قال والد حلا إن فيلم (مش أنا). كان يعجب ابنته حلا شيحة أثناء تصويره مع الفنان تامر_حسني، موجها رسالة لابنته باكياً قائلاً: «يا حلا اعتذري عما كتبتبه لمصر كلها».

وأضاف شيحة، أنه تحدث مع الفنان تامر حسني وهنأه على فيلمه الجديد، موضحا أنه تحدث كثيرا مع ابنته حلا شيحة بعد زواجها من معز مسعود، وقالت له: «لا يمكن لأحد أبدا أن يوقفنى عن فنى، وأوعدك وعد ربنا هيحاسبنى عليه».

وتابع: «حلا تحملت ما لا يتحمله بشر، وسأدافع عن بنتي ضد هؤلاء الناس بأي ثمن، وعندما يكتمل إيمان حلا شيحة سترى أن كل كلامها ليس له علاقة بالدين».

كما أجرى مداخلة هاتفية أخرى لبرنامج (الحكاية)، الذي يقدمه الإعلامي عمرو_أديب عبر فضائية (MBC مصر)، وأكد إن ابنته لم تقل إن الفن حرامًا طوال عمرها، معلقًا: «قصة الفن حرام اشتغلت بطريقة غير معقولة هذه الأيام ومندهش من هذا الكم من الضرب المتواصل دون التريث والفهم لما يحدث».

وأضاف أنه لا يجوز تناول القضية بالطريقة المثارة على الساحة، مؤكدًا وجود أبعاد أخرى يتم الضغط بها على ابنته.

وذكر أن ابنته تعرضت لحالة من حالات الضغوط لا يعلم الجهة المسؤولة عنها، متابعًا: «حلا داخلها فنانة ولا تستطيع أن تعيش بدونها، عمرها ما غلطت في حد من زملائها وتحب الوسط بكل معنى الكلمة، ومتأكد بوجود أياد أخرى تعبث من أجل عمل كمين لابنتي الطيبة المحبة لبلدها وزملائها والفن لاستقطابها مرة أخرى».

واستنكر والد حلا شيحة قرار شطبها من نقابة المهن التمثيلية لأن الأمر يحقق لتلك الجهات أهدافها، موضحًا أنه تحدث إلى الدكتور أشرف زكي، نقيب المهن التمثيلية، وطلب منه التريث ومعرفة حقيقة الموضوع.

وأكد أن الكلام الذي نشرته حلا ليس كلام ابنتها أو طبيعتها، متابعًا وهو يبكي معتبراً أنه ابنته اختطفت: «لم أتحدث إليها ولم تتحدث إليَّ منذ 10 أيام، والدتها كلمتها وعاتبتها جامد وكانت مترددة في ردودها على أمها، ولا أقبل أن تُختطف ابنتي الفنانة».

وأشار إلى أن ابنته خلعت الحجاب وعادت إلى الفن بكامل إرادتها، معلقًا: «حزين إن الناس عملت نفسها قضاة دون تفكير، ابنتي فنانة مش صغيرة مينفعش تتدفن وتتهاجم بالطريقة دي.. لم ترتدي الحجاب حتى الآن، لا قالت هتحجب ولا هعتزل».

وكانت حلا شيحة، هاجمت مؤخرا الفنان تامر حسني بعد طرحه كليب “بحبك” من فيلمه الجديد “مش أنا” المعروض حاليًا بدور العرض، وذلك عبر قناته على يوتيوب.

اقرأ: حلا شيحة تحذف تامر حسني وما دخل أزواجها؟ – صور

كتبت في هجومها على تامر: (أنا اتفاجأت جدا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته ووضحت فيه أنا ايه.. واتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه حيحترم رغبتي.. إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح أنا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا وأنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی”.

اقرأ: حلا شيحة تقاطع محمد رمضان وتامر حسني!

وتابعت حلا شيحة: “انا مش حتكسف من حد انا تبت من المشاهد دي وهي لا تصح وانا غلطت وبصلح وأهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.

اقرأ: حلا شيحة الأقرب إلى الإسلام الحقيقيّ اعتزلت أم لا

تامر لم يصمت أمام تخاريف حلا وإهاناتها، وفهمها الخاطئ للتدين، فرد عليها وأحرجها قائلاً:

(نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو).

تابع: (أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا).

اقرأ: حلا شيحة الأقرب إلى الإسلام الحقيقيّ اعتزلت أم لا

اضاف: (و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل؟).

اختتم كلامه: (أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين).

المقالات ذات الصلة