حمست الفنانة المصرية آمال_ماهر، جمهورها لحفلها المقرر أن تحييه يوم الجمعة الموافق يوم 29 يوليو الجاري.
وجهت آمال رسالة لجمهورها قالت فيها: أنا رجعالكم تاني، وبالنسبالي دي مش أي حفلة عادية دي حفلة عودة الروح للجسد.
وتابعت: وحشتوني أوي مفيش كلام يقدر يوصف قد ايه أنا مشتاقة لليوم دا، أنا راجعة لحضن جمهوري الغالي، ودا هيخلي الحفلة دي غير أي حفلة فاتت أو جاية، هستناكم كلكم نغني مع بعض.
وأثارت شائعات اختفاء آمال ماهر جدلا واسعا على مواقع التواصل الاجتماعي، بعدما انتشرت العديد من الأنباء حول خطفها وحبسها بأحد السجون على الطريق الصحراوي، وتعرضها للتعذيب من قبل أحد الشخصيات المهمة.
صديقة آمال المطربة مروة_نصر، طمأنت الجمهور مؤكدة إن ماهر بخير، وقالت: (آمال ماهر الحمدلله زى الفل وفى وسط اهلها وبخير وانشاء الله راجعه قريب اوى).
إقرأ: شهادة كبيرة لآمال ماهر مِن مَن؟
وعلمنا من مصادرنا أن آمال تترد على طبيب الأسنان بشكل دوري، لمتابعة تقويم أسنان ابنها، ما يعني إنها بخير ولا صحة لتلك الشائعات نهائياً.
كانت الفنانة آمال ماهر اوضحت سبب غيابها عن جمهورها خلال الفترة الماضية وقالت: “معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا”.
وشوقت المطربة آمال ماهر جمهورها إلى أعمال جديدة وقالت في فيديو :” انتظروني قريبا”.
وأكدت آمال ماهر، إنها مازالت تعاني من أزمتها الصحية، بعد إصابتها بفيروس كورونا، مضيفة “مش قادرة أتكلم”، وردًا على المشككين في ظهورها الأخير قالت “أنا والله، وبعتذر للجمهور كنت في حالة سيئة جدا، تعبانة جدا، الكوفيد تعبني بشكل فظيع، زي ما أنتم عارفين يختلف من شخص للتاني، عندي: ضيق نفس، صداع، وعضمي واجعني مفيش حاجة مكانتش مش موجودة، الحمد لله كنت فين وبقيت فين”.
وأشارت آمال إلى أنها أصيبت أكثر من مرة بكورونا، موضحة “انا وكورونا صحاب مش أول مرة، أول مرة مكانش حد عارف دي ايه ولسه من ست شهور وبعدين دلوقتي، جربت كل المتحورات، بقينا صحبة انا وهي”.
اضافت: (والله يجماعة دي أنا وكنت في حالة سيئة جدا بسبب الكورونا، وصوري مش قديمة كانت قبل مااتعب بيومين).