ناشد الفنان المصري أحمد_العوضي، جمهوره بضرورة مواصلة حملات المقاطعة لبعض المنتجات الأجنبية التي تدعم الاحتلال الإسرائيلي وعدم شراء أي من هذه المنتجات.
وكتب أحمد العوضي عبر صفحته: “حملة المقاطعة لازم نستمر عليها حتى وإن توقف العدوان … إحنا أكبر قوة شرائية في العالم لازم نتعود أن إحنا مقاطعين لمنتجاتهم ومش عاوزنها وعندنا بديل لكل حاجة حتى وإن كان أقل جودة”.
تابع: “محدش بيموت من غير ماكدونالدز و بيبسي وكنتاكي وووووو … بل بالعكس أكلهم اللي بيجيبلنا الوبا والمرض ده أقل حاجه نقدر ننصر بيها دينا وإخواتنا وأقل حاجة نقدر نحارب بيها العدوان، إن إحنا منكونش سبب في أي جنيه يخشلهم ونعلم أولادنا أن المنتجات دي أصبحت من المحرمات يعني نغرس في أولادنا أن الحاجات دي اجباري أنك تقاطعها مع الوقت مقاطعتنا هتجيبهم الأرض”.
اختتم كلامه: “إخواتي أوعى تستهون بالمقاطعة ركعوهم وميكسبش منك جنيه، حملات المقاطعة مستمرة وهتستمر ويارب نفضل مكلمين حتى وإن توقف العدوان”.
كان أحمد العوضي شارك في حملات التطوع مع الهلال الأحمر للمشاركة في الإعداد لمساعدات أهل غزة.
وظهر أحمد العوضي في فيديو وهو يرتدي زي الهلال الأحمر وقال “مساء الفل إحنا طبعا عارفين اللي بيحصل في غزة لأهل غزة، أنا هنا في الهلال الأحمر، مع اخواتنا الأبطال المتطوعين … احنا كلنا نزلنا بوستات على السوشيال لكن عايزين تصرفات فعليه، بطلب من اخواتي اننا نتبرع ولو بجنيه إحنا 105 مليون، لو عايز تتبرع بالدم اتبرع بالدم اعمل حاجة فعلية”.
