اصدرت أسرة الموسيقار الراحل حسن أبو السعود، بياناً للرد على الفنانة المصرية شيرين عبد الوهاب، عقب تصريحاتها للمذيعة لميس_الحديدي عبر برنامجها (كلمة أخيرة)، وذكرها لاسم الراحل حسن أبو السعود.
قالت شيرين خلال تصريحاتها: (كنت زي البدر قبل ما اتجوز حسام_حبيب، ولما اتجوزته بقيت شبه حسن أبو السعود)، الأمر الذي اعتبرته أسرة الراحل به سخرية وتنمر.
وجاء في البيان الصادر عن أسرة أبو السعود:
(في ميزان الإنسانية إيه قيمة الموهبة إذا اقترنت بالإساءة والأذى؟
التنمر والسخرية من الناس عيب..بس العار الحقيقي التنمر والسخرية من شخص ميت – ومش حقول شخص واكلين معاه عيش وملح وله فضل علينا..لأن قليل الأصل ممكن يتناسى وينكر ده عادي – لأن الإساءة لشخص ميت مستوى أكثر انحداراً من الشر والدناءة).
تابع البيان: (وقت الحساب..المسيء حيقول لربنا إيه..حيقوله لأ متحاسبنيش إني بتريق على ميت وبجرحه وبجرح محبيه وأسرته، أصل أنا موهوب أو مشهور أو غني؟ لأ متحاسبنيش أصل أنا أحسن فنان في الكون؟؟ للأسف المسيء في ابتلاء شديد، مش فاهم انه عمال يحفر ويوسع في الحفرة لنفسه).
اضاف: (للأسف الشر زايد وقلة الأصل زايدة وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء. ميزان وبيتملي..ربنا يجعل وجع قلبي ودعائي الليلة دي وليالي قبلها بسبب الإساءة المتكررة والحقد الظاهر في الطاقة والكلام من نصيب أي وكل مُسيء).
اختتم البيان: )كلمة أخيرة..حسن أبو السعود الله يرحمه شكلاً كان قمر وشخصيةً كان دمه سكر وطيب وكريم ومتواضع ومثقف وبيتكلم 3 لغات أجنبية بطلاقة ولبق وذوق..فمش ممكن حتكوني شبهه في يوم من الأيام).
اقرأ: شيرين تخرج عن صمتها وتوضح حقيقة حملها
وجاءت مجمل تصريحات شيرين مع الحديدي كما يلي:
– كنت محبوسة في أوضة نومي ٢٤ ساعة وعايشة مع زوج مابيشتغلش.
– حسام اداني هدية في ايدي رصاصة.
– كنت أنا اللي بشتريله الاغاني اللي تعجبه.
– زهق مني عشان تخنت وقالي مش عايز واحدة قد أمي.
– وقع بيني وبين كل اصحابي وبعدهم عني وعنده عقدة من الناس كلها لانه مريض نفسي ولازم يتعالج.
– حسام ضربني وسحلني في الارض وهو اللي حلقلي شعري.
– حسام خسرني امي واصحابي والسواق بتاعي وكرهني في بناتي وكان حاسس ان الناس كلها متأمرة عليه.
– هو السبب في اني أحلق شعري بسبب أنه كان عايز يجبرني على النزول بقميص النوم خلال تواجدنا في أحد الفنادق.
– ادعوا الشعب المصري والعربي انهم لو شافوه في الشارع يتبولوا على وشه، انا عايزة كل الناس تتف عليه.
– كذبت في حاجات عشان انا بنت أصول وبستغفر ربنا.
– أسسنا شركة مساهمة كان هو رئيس مجلس إدارتها وكانت محاولة نقرب تاني من بعض بس مرجعناش.
– مخلفتش منه عشان ربنا يحميني منه.
– عملتله محضر بعدم التعرض لي ولبناتي وهو انسان خطر وادعوا الناس انهم يتبولو علية اما يشوفوا.
– أجوز قرد أو فيل من حديقه الحيوان أفضل من أني أعيش معاه.
– دفعت فلوس الشقة اللي اهل حسام حبيب قاعدين فيها وحسام مخدش مني فلوس في ايده فكنت بدي حقه لامه.
– انا متأذتش من حد في حياتي زي ما شفت من حسام حبيب وكان شخص أسود من جواه.
– جبت عربية وكتبته بأسمه راح باعت ناس تسرقها من أودام بيتي، وكان عايز يعملي محضر اني سرقت العربية.
– كنت شبه البدر بقت شبه حسن ابو السعود بعد ما عرفته.
– عندي فيلم وأغاني جديدة وهكسر الدنيا الفترة اللي جاية وفي اغنية بعد 10 أيام.
– لازم أروح أتعالج من أثاره السلبية عليا.
– سارة الطباخ ربنا ياخدها وهي من اسباب المشاكل.
– سرقني وبكرهه وهو شخص أسود.
– انا من القلعه ولو فكر يأذيني هروح اولع في بيته.
– عشت أسوء أيام حياتي مع حسام حبيب ورسالتي لكل الناس انهم يختاروا صح.
