اعترفت الفنانة المصرية إيمان العاصي، بمعاناتها من شدة التعلق بابنتها الوحيدة (ريماس)، لدرجة إنها اصبحت متعلقة بها بشكل مرضي.
وقالت إيمان العاصي خلال حوارها مع الفنانة إسعاد يونس في برنامج “صاحبة السعادة” المذاع عبر قناة DMC: “أنا مبعرفش أنام من غير ريتاج، من يوم ما اتولدت وهي بتنام جنبي، ودخلت المدرسة وعندها أوضتها مقفولة، لكن في تعلق مرضي بيني وبينها، هي دلوقتي عايزة تنام في أوضتها لكن أنا مش عارفة أعمل الخطوة دي”.
أوضحت إيمان العاصي أنها تحاول لعب دور الأب والأم في حياة ابنتها قائلة: “أنا اتطلقت وأنا حامل، ومفيش حاجة في الدنيا تعوض غياب الأب، وبحاول على قد ما أقدر أعمل الدورين، لكن نموذج الأب عند البنت مهم جدا وخصوصًا في سن من 13 لـ 17 سنة، وأهم بكتير من نموذج الأم وبيديها ثقة في نفسها، ومش هقول إني ناجحة في ده لأنه دور لا يعوضه إلا وجود الأب”.
وردا على سؤال كيف أثر عليها انفصال والديها، قالت إيمان العاصي: “كنت صغيرة أوي لما بابا وماما انفصلوا وعندي تقريبا 9 سنين، وكان عندي هدف إني أتجوز وأعمل أسرة وأستحمل حتى لو شوفت خيانة جوزي في بيتي وعمري ما أطلب الطلاق، وطبعا كله طلع بلح”.
وأشارت إيمان العاصي إلى أنها اختارت أن تعيش مع والدتها بعد الانفصال قائلة: “أنا بحب بابا أوي ربنا يسعد روحه، وبحب ماما جدا، وأنا صغيرة كانت لو خرجت أفضل قاعدة في البلكونة أعيط عياط هستيري كإن حاجة حصلت لها، وكان عندي تعلق مرضي بأمي”.