وجه الشاعر الغنائي، تامر حسين، رسالة قاسية للملحن المصري عمرو مصطفى، بعدما تطاول الأخير على زملائه ووصفهم بالحشرات.
كتب تامر عبر صفحته:
“ردًا على الملحن، أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس إنك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابة اللى بتخترعها في أي نجاح كبير يلتفت حواليه الناس وإنت لا ترتقى تبقى زميل لواحد فيهم، وانا اللى بعتذرلهمُ على التشبيه الغير موفق مني ظلمُتهم”.
اقرأ: شيرين: حسام حبيب يعامل ابنتي معاملة الزوجة!
وأضاف: “ثانيًا لو جبت سيرتك بالخير ف أنا بعمل ب أصلى في أي لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومة ولا حابقىّ مُتقلب الود زيك مع كل اللى أحسنوا إليك وساعدوك، عشان لما حد من الجمهور المحترم يشوفنى مايقولشى عليا قليل الأصل، ودى آخر مرة حاغلط وأجيب سيرتك”.
وتابع: “الناس عارفه كويس وفاهمه مين فينا صادق ومين كداب بالمواقف والسنين والإحترام والتقدير، والحمد لله أنى ربنا أنعم عليا وخلانى شخص سوي وبأعقل كلامى وإحترم نفسي لا ف قلبى غل ولا حقد ولا بأعترض على اللى ربنا كاتبهُ لزمايلي ببارك للجميع بقلب أبيض مابأقللش من مجهودهم ونجاحهم”.
واختتم: “دى أخر رسالة تتقالك ب إحترام ال جى حابقىّ عداني العيب، إحترم سنك إحترم نفسك احترم انك عندك أسرة مايصحش، يبقى cv من بعد ما كان نجاحات يبقى خِناقات وسيرة سيئة، لإن ماحدش حايسكُت لك تانى على أي تجاوز”.