بريدنا الإلكتروني ممتلئ بالرسائل، جميعهم يا #نادين_الراسي يريدون الوقوف جانبك في هذه الفاجعة الأليمة، بعدما فقدنا خيرة شباب الشرق #جورج_الراسي.
إقرأ: جورج الراسي صفعتي الثالثة وسؤالي لنادين الراسي؟
اقرأي ما كتب هؤلاء المحبين لكِ، لتثقي أنّ شقيقك باقٍ في ذاكرة الشعوب العربية أجمعها..
ملاحظة: الرسائل ننشرها كما وصلتنا..
- سامية الجراح من البقاع-لبنان: (كُلنا خلقنا من تراب وسنعود إليه والله اذا أحب عبداً ابتلاه وأحب الله أن يمتحنكم ويسمع صوتكم وأنتم تناجوه لك الرحمه ولكم الصبر والسلوان).
- فاطمة الدلباني من لبنان: (سلام كيفيك حبيبتي نادين الله يرحم جورج كان غالي على قلبنا وح يضل غالي علينا نشالله بتكون نفسو بلسما انا بتابعك عطول وكل شي بتعمليه بكون ناجح خليكي قوية كرمل جورج نحنا حدك عطول الله يرحم جورج، كتير زعلنا على جورج حرام يموت ضيعان شبابو وتضلو فوق رأس أهلك الله يرحموو خليكي قوية نحنا حدك).
- لميس من سوريا: (من سوريا، استاذة لميس
حبيبتي نادين قلبي معك وروحي الله يرحم جورج كان خساره كتير كبيره علينا وعلى سوريا ولبنان والوطن العربي.. الله يرحمه ويصبر قلوبكم انتي ومامتك وخيتك، صوتو وروحو رح يبقو معنا.كلنا معك حبيبتي نادين لروحو الرحمه والسلام.. محبينك من سوريا). - جوجو عبد العزيز من المملكة العربية السعودية: (تحياتي لنادين الله يرحمو لجورج احنا فانز الها من السعودية).
- محمد العوطة من البقاع-لبنان: (أنا بدي قول لنادين الله يصبرك و يرحم خيك ، و أن شاء الله على ٤٠ جورج بموت بنفس الطريقة المسؤول عن هذه الجريمة).
- آدم فرج من لبنان: (مرحبا نادين الراسي انا ادم فرج من اكبر المحبين الك و لا جورج الراسي الله يرحمو ويجعل مثواه الجنه يا رب، يا الله شو كان حلو صوتو و الاحساس الارائع منحبكون لا تخلص الدنيا، نحنا حدكن).
- ياسر السيد من لبنان: (جورج الراسي من لاجمل لاصوات بلبنان والله يعين كل اللبنانين على هل المنظومة السياسية اللي مش مهتمة لا بطرقات ولا بشي).
- سارة زينون من لبنان: (نادين الراسي الله يصبرك يا رب حبيبتي الله يقويكي، انا كمان من سنة مات بابا و بعد يومين خي حاسة فيكي كتير الله يصبرك ويقويكي حبيبتي).
- ميرنا نسر من لبنان: (العوض بسلامتك نادين نحنا منحبك ومنعزيكي ومنعزي أهلك بجورج الله يرحمه ويجعل مثواه الجنة ونحنا بدنا اياكي تكوني قوية لانو جورج بدو اياكي ضلك قوية كرمالو والله جورج خسارة كبيرة لأهله وخسارة كبيرة النا ولكل لبنان جورج بالقلب وبالذاكرة.. أنا ميرنا من لبنان العوض بسلامتك نادين نحنا منحبك ومنعزيكي ومنعزي أهلك بجورج الله يرحمه ويجعل مثواه الجنه ونحنا بدنا اياكي تكوني قوية لانو جورج بدو اياكي ضلك قوية كرمالو والله جورج خسارة كبيرة لأهله وخسارة كبيرة النا ولكل لبنان الله يحرمو اغلى ناس عا قلبك لحرمكن من جورج ولحرم ابنه منه).
- ليلى علوي من المغرب: (إلى نادين الله يصبر قلبك انتي وعيلتك ياحبيبة قلبي والى جورج الراسي ياحبيبي دخلك عود بيكفي غياب وسفر حرقت قلوبنا والله الله يرحمك ويسكنك فسيح جناته).
- عبير مخلوف من دير الأحمر-لبنان: (اسمي عبير مخلوف من دير الأحمر تعازيي اللك نادين الله يرحمو نفسو بل سما، الله يصبر قلبك قلب امك قلب اخواتك بقللك تكوني قوية يا نادين كرمال ابنو الله يعطيكون القوة والصبر امين).
- كلوديا الحوري من جبل محسن-لبنان: (من طرابلس جبل محسن، الله يرحم روحو لجورج والعمر إلك يا نادين ولعيلتك ونفسو بالسما الله يصبر قلبكن والله يقويكن والله صعبي كتييير الله يطول بعمركن ويحميكن يارب).
- دانا مروة من لبنان: (العوض بسلامتك يا نادين انت كتير قويه وانشالله الله رح ياخد حقك من الحكومة اللبنانية ويارب جورج يكون من اهل الجنه).
- فاطمة من بيروت-لبنان: (سلام ندين، انا فاطمة من لبنان بيروت حابة قلك انو كلنا زعلنا وبكينا على جورج وعلى خسارتك الو ان شا الله جو ابنو يعوضلكن حبكن لجورج الله يصبركن وبالايمان وحدو ان شا الله بتتخطوا المرحلة.. منحبك).
- ضحى من لبنان مقيمة في السعودية: (مدام نادين انا بحبك كثير ودايما بتابعك وبحب جورج وبعشق صوتو ……الله يرحم روحو وتكون نفسوا بالسما …..كلنا خسرنا لجورج ضيعان شبابو…والله يعطيكن الصبر والقوة).
- سيلين نصر من لبنان: (سيلين نصر من لبنان، كان فنان رائع بكل معنى الكلمة من اروع الأصوات في العالم العربي، الله يرحم روحه وانشالله تكون نفسه بالسما والله يصبر قلبكم و يصبر قلب ابنو، لبنان افتقد فنان لن يتكرّر، كلنا منحبك جورج المسيح قام).
- علي إبراهيم من لبنان: (بكل اسى ولوعة فقد لبنان نحم من نجومه.. بدي قدم اكبر و احر التعازي الى عائلة الفقيد جورج الراسي الى عائلة الراسي.. بدي إلّك لازم تكوني قوية قدام اهلك لازم تكوني قويك كرمال جورج.. ما حدا بيعرف الوجع الي عم تتوجعي و كل نهار عم يزيد اكثر من التاني بس لازم تكوني قويك كرمال جورج يكون مرتاح الله يصبركن و كون حدكن ب مصيبتكن.. هيدا اكثر شي بقدر ساعدك في، و جورج بقلبنا ،و هو رتاح من هون، و انشاءالله بتكون خاتمة الاحزان و تكون مثواه الجنة.. الله يرحمه “يا أيّْها اللّذينَ آمَنوا إسْتَعِنُوا بِالصَّبْرِ و الصَّلاةِ إنَّ الله مع الصّابِرينَ” “ مَعَ المَسيحِ ذاكَ أفضلُ حِداً “).
- ليلو أبو مراد من لبنان: (باسمي واسم عيلتي منعزي العيلة فردا فردا والله يصبرن و يصبرك يا نادين كم يوم صرلي بكي شي ما بيتصدق الله يقويكي و يخليلك ولادك بصحتن يا رب و يخليلك اهلك).
- خلود خروب من البقاع-لبنان: (الله يرحموا يا نادين والله يصبركن ويقويكن هالحياة صعبة والموت فجأة صعب كتير انشالله منجي منعزيكي وانشالله تكون خاتمة الأحزان).
- سيدرا خضرا من لبنان: (الله يرحموا يا نادين والله يصبركن ويقويكن هالحياة صعبة والموت فجأة صعب كتير انشالله منجي منعزيكي وانشالله تكون خاتمة الأحزان).
- هويدا من لبنان: (منحبك ومنحب خيك الله يرحموا وجعك بحس فيه لانو انا بعريف جرحك كوني قوية وانت الدنيا وجعتك بس انتي قوية نا طرنيك والله يرحمنا معهون).
- الين تابت من لبنان: (الله يرحم جورج وتكون نفسو بالسما هو ملاك عم بيشوفكن من فوق الله يصبركم ما رح ننسا ابدا. نادين جو من ريحتو).
- مهى من تونس: (شكرا على وقفتك مع نادين و على الحركة يالي عاملها و الله اثرت في كتير.. بعرف كمان انو كل تعازي الدنيا كلها ماتواسيها، بس قلها من عندي مهى من تونس قلها انت قوية و رح تتخطي حزنك مثل ما تعودنا عليك و جورج بحب يشوفك قوية حبيبتي جورج حتى لو مات ما رح يضل عايش.. نادين بنحبك و نموت فيك).
- وداد من لبنان: (نادين نحنا منعرفيك قوية وبتتحدي كل الصعوبات انا حاسة بوجعك بس الجمرة ما يتحرق الا محلا حترق قلبنا على جينا جورج هيدا خي الكل جورج انسان خلوق ما بيئزي نملة انسان محترم الله يرحمو نفسو بالسما مع القديسين ومار شربل يكون حدكن وحد جو هالزهرة المفتخة هالطفل الملاك الصغير صعبة عليه انو بفقدو قطعة من قلبو هيدا بيو لي ما الو غيرو بدي عزي كل عيلتو وخصوصي امو لانو كل شي بهالدني بيتعوض الا خسارة فرد من العيلة المسيح قام، جورج الراسي عملاق الفن عملاق لبنان عملاق بوجودو بي وقفتو على المسرح نحنا منفتخر انو عنا هيك عملاق عم بحكيك هلق يا جورج لانو بعرف انك سمعني وحاسس نحنا شو عم نحس على فراقك انت عايش بقلوبنا.. جورج الراسي انسان غنى عن التعريف ونادين الراسي ايضا غنية عن التعريف هما من عائلة محترمة مؤلفة من اب وام و ٣ اخوات واخان لقد تربو الاولاد على الاحترام لقد ربتهم على حب الاخرين اولا وعلى حب ذاتهم ثانيا مهما كتبت ومهما قلت عنهم وخصوصا عن الفنان العملاق جورج الراسي قليل عليكم وعليه رح نتذكرك ديما وانت على طول بالقلب والبال ما رح ننساك ابدا لانو الانسان والشخص الادامي ما بينتسى).
- نور من لبنان: (عن جد العمر لك يا نادين كلياتنا زعلانين على زعلك يا ريت رساله اتصالك يا نادين عنجد زعلانين على زعلك وكثير العمر لك والعمر لنا عن جد كان احلى صوت بحياتنا يعني نسمعه وراح اضل صوته بعقله وبقلبنا).
- وفاء من الجزائر: (انا شابه وفاء من الجزائر انا مسلمه و عربيه و الإسلام دين السلام والأخوه أرجو ترحم عليه لروحه نقيه فقط إحترام للروح نفسه لي فيه تعازينا الحاره لأهل لبنان من الجزائر..نادين انا بحبك كتير وانا متضامنه معاك جورج راح ضحية إهمال و فقدان كنز كبير أرجو من الله عزوحل ان يعتمد روحو النقيه الصافيه الطيبه ان يدخل الجنيه يارب).
- روزا ديب من لبنان: (حبيبتي نادين، الله يرحمه ونفسه بالسما يا رب ، لله يصبركم ، بدي خبرك شي انا بتابعك بكل اعمالك وتفاصيلك ودايما كنتي بنظري مثال للمراة القوية الشجاعة للي ما في شي بيكسرها ، وإنتي ما رح يكسرك كاس الموت ، لانك مؤمنة انو بعد الموت في قيامة مع الرب يسوع وهيدا ايماننا ورجائنا ، وامنا العدرا رح تسكب بقلوبكن بلسم العزاء لانها معزية الحزانى. بحبك يا بطلة يا قوية).
- بتول الحوري من لبنان: (حبيبة قلبي نادين انا بحبك كتير ومتابعتك من زمان الله يصبرك ويقويكي خسارة كبيرة جورج لكل لبنان بدي قلك كوني قوية وقولي يارب ونحنا كلنا حدك).