اعلنت الفنانة المصرية رنا_سماحة، عن انجابها مولودها الأول مالك، من زوجها الملحن سامر أبو طالب، مساء يوم الأحد ١٢ ديسمبر/كانون الأول.
كتبت رنا عبر صفحتها:
(الحمدلله الذى تَفَضَّل عَلَيّا بغير حول منى ولا قوه الحمدلله الذى بنعمته تتم الصالحات رزقنى الله بمولودى الاول ( مَالِك سامر ابو طالب ) اسأل الله ان يجعله قرة عين لى و لوالده و يجعله من الصالحين و يرزقنا بِرُّه و بارك لنا فيه و احفظه من كل شر و حسد اللهم اجعله سند و عون لى و لوالده امين يارب العالمين).
كانت رنا اعلنت عودتها من جديد لزوجها الملحن سامر أبو طالب، بعد فترة من الخلافات التي كادت تصل إلى الطلاق، أثناء فترة حملها بمولودها الأول.
اقرأ: رنا سماحة حامل بمولودها الأول – فيديو
نشر سامر فيديو رومانسي ظهر فيه برفقة زوجته، ووجه لها رسالة مطولة جاء بها:
(اولا الحمدلله، ثانيا هقول الكلمتين الجايين دول ل ( ام مالك ) مراتى و حبيبتى و ام ابنى اللى اكتشفت فى الفتره اللى فاتت دى انى ماقدرش اعيش من غيرها ولا حتى بكون مبسوط فى اى حاجه حتى ابسط الاشياء هى لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هى ماتنفعش تكون غير ليا اسف لو زعلتك فى اى حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللى كارهين يشوفونا مرتاحين و هاديين و الحمدلله دائما و ابدا).
اقرأ: رنا سماحة للجرس: زينة رشحتني لـ (جمع سالم) ودوري في (ياأنا ياجدو) مختلف – صور
تابع: (نيجى بقى ل برنس قلبى ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا بحبك يا رنا و بحبك يا مالك شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض).
ردت رنا على زوجها قائلة:
(الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه
عيشنا فتره صعبه والحمدلله انها عدت
مفيش بنا أسف يابو مالك بس عارف لو عملت كده تاني ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين بحبك يا جوووووزي).
يأتي هذا بعدما انتشرت أنباء انفصال رنا وسامر، بعد حملها بابنهما الاول.