في ظل الهجوم الكبير الذي يتعرض له نقيب المهن الموسيقية هاني_شاكر هذه الأيام، عقب بعد إصدار مجلس نقابة المهن الموسيقية قراراً بمنع 19 من مطربي المهرجانات من الغناء، قدمت المذيعة ريهام_سعيد، دعمها لقرارات الفنان هاني شاكر.
نشرت ريهام صورة لهاني شاكر وكتبت معلقة “أمير الغناء العربي اوعى تزعل انت أكبر من كدة بكتير واوعى تعاتب جاهل، مش فاهمين أن لو الإعلام والغنا والتمثيل اتساب من غير رقابة دة هايبوظ الذوق العام”.
وتابعت قائلة “اتمنع ليه فيلم انجلينا جولي، اتمنع علشان ولادنا ومستقبلهم علشان قيمنا ودينا على فكرة كنت أول واحدة بدافع عنهم في بدايتهم موزة وشاكوش وغيرهم”.
وأضافت “بس اللي حصل بعد كدة كان مخجل حتى في ناس من اللي متسابين يغنوا بقوا بيقدموا اسفاف ووجود الراقصة اللي ملهاش دعوة بالفن خالص بلبسها العجيب بقى حاجة ثابته في الكليبات”.
وأكملت حديثها قائلة “استاذ هاني شاكر شكرًا أنك بتحافظ على الفن المصري اللي كان فيه أم كلثوم وعبد الحليم حافظ كان في شكوكو بس كان مونولوجيست ما بيقولش على نفسه مطرب ولا بيقول كلام خارج”.
وختمت كلامها قائلة “لو مؤمنين أن في حرية مطلقة يبقى وافقوا على انتشار المخدرات والأفلام الاباحية وغيرها وقولوا كل واحد حر يختار الطريق اللي يناسبه”.
كان رجل الأعمال المهندس نجيب ساويرس، هاجم الفنان هاني شاكر نقيب المهن الموسيقية، بعد إصدار مجلس نقابة المهن الموسيقية قراراً بمنع 19 من مطربي المهرجانات من الغناء.
قال نجيب ساويرس في مداخلة هاتفية مع المذيع عمرو_أديب عبر برنامجه (الحكاية): «كل واحد حر يسمع اللي عايز يسمعه ومحدش يعمل ولي علينا، أحنا أحرار».
اقرأ: فيفي عبده وفيديو طريف مع القرد!
وأضاف: «إحساسي أن الموضوع فيه نفسنة وغيره، وأحنا أحرار نسمع اللي أحنا عاوزينه».
ورد نجيب ساويرس على تحديه لنقابة المهن الموسيقية في منح الغناء لمطربي المهرجانات في مهرجان الجونة المقبل، قائلًا: «أنا قد كلمتي وأنا هجيب مطربي المهرجانات وان عاكسني أنا هاعرف ارد برضه بالقانون».