تحدثت الفنانة المصرية أميرة فراج، زوجة الفنان أحمد فهمي، عن حقيقة منعها من الغناء، وطريقة تعاملها مع المعجبات.
قالت أميرة: “المعجبين آخر همي وأنا بغير عليه، لكن مش هتجنن وبفرح لنجاحه طبيعي”.
تابعت أميرة عن منعها من الغناء بأمر من زوجها: “الموضوع ده كان قديم جدا وكنا إحنا لسه صغيرين أنا وفهمي نعرف بعض بقالنا 20 سنة وأنا اتجوزته وكان عندي مسؤوليات، ومفيش أي منافسة بينا”.
اقرأ: أحمد فهمي لهذا السبب تزوجت صغيرًا!
كان فهمي تحدث عن زواجه من أميرة في سن صغير وقال: “الجواز في سن صغير حلو، أفتكر بيخليك متعملش حاجة غلط.
تابع فهمي: “الزمن اتغير، أنا كنت ولد وحيد ونفسي أتجوز علشان أخلف ولد يبقى زي أخويا، وابني الكبير دلوقتي في الجامعة”.
وأضاف: “طبعا ابني عمر براحته، لكن لو قال عايز يتجوز هقول له استنى شوية على الجواز، لأن الشخصية بتتغير ووجهة نظره بتختلف”.
وبشأن منعه زوجته من الغناء، أوضح: “دي أكذوبة الناس كلها اتكلمت عليها، أنا مقعدتش أميرة في البيت، الفكرة إن إحنا إتجوزنا صغيرين، وبعد ما إتجوزنا بسنة أميرة خلفت وكنا أطفال بجد، وأميرة كانت عايزة تاخد بالها من عمر أول ما أتولد”.