علق الناقد الفني طارق الشناوي على قرار محكمة جنح أكتوبر بتغريمه، بتهمة سب وقذف معز مسعود زوج الفنانة حلا_شيحة، ودفع 100 ألف جنيه كتعويض مدني ومؤقت.
وكتب طارق الشناوي، عبر حسابه: “أحترم القضاء المصري وسوف أمتثل لكل قراراته، فقط أوضح أنني لم اتلق إخطارا بالدعوى القضائية ولم تحقق معي النيابة قبل إحالة الدعوى للقضاء المستعجل، ولم أعلم أيضا أنني مطلوب أمام المحكمة في تلك القضية”.
وأضاف الشناوي: “بدأت الاجراءات القانونية عن طريق أستاذ القانون حسام لطفي لاتخاذ اللازم للطعن في الحكم”.
وأوضح: “ما صرحت به في البرنامج وأدى لإقامة الدعوى هو تعقيب على ما قاله الفنان التشكيلي أحمد شيحة، والد الفنانة حلا شيحة، على الهواء مباشرة وكان يبكي قائلا: ( ابنتي اختطفت)، كانت قضية عامة أثارها أطرافها على أكثر من قناة تليفزيونية ولم أنتهك خصوصية أحد، ولم أكن أنا أيضا الوحيد الذي أدلي بدلوه إعلاميا فيما حدث على الملأ، أكرر ثقتي المطلقة في القضاء المصري العادل”.
كان طارق الشناوي، قال خلال اللقاء التليفزيوني، إن تركيبة حلا شيحة بها شيء خاطئ، وهو ما ظهر بالتناقضات التي ظهرت في شخصيتها خلال الفترة الأخيرة، وأضاف أن تربية والد حلا شيحة لبناته كان فيها نقص، واستطرد بأنها كانت بحاجة إلى فترة تأهيل بعد عودتها إلى الفن مرة أخرى.
ليرد معز مسعود، على طارق الشناوي عبر حسابه بموقع التدوينات Twitter قائلا: “تعمدت الإساءة إلى شخصي وأهل بيتي كثيرا، والآن تجاوزت حدود تخصصك كالعادة، وتعديت على حياتي الشخصية، وأسأت لي ولزوجتي وأهلها، فمن واجبنا أنا وزوجتي كمواطنيين مصريين، أن نقاضيك لتأخذ العدالة فيك مجراها، وردعا لكل من يقحم نفسه في حياة الناس الشخصية”.
وكانت حلا شيحة، هاجمت مؤخرا الفنان تامر حسني بعد طرحه كليب “بحبك” من فيلمه الجديد “مش أنا” المعروض حاليًا بدور العرض، وذلك عبر قناته على يوتيوب.
اقرأ: حلا شيحة تحذف تامر حسني وما دخل أزواجها؟ – صور
كتبت في هجومها على تامر: (أنا اتفاجأت جدا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته ووضحت فيه أنا ايه.. واتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه حيحترم رغبتي.. إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح أنا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا وأنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی”.
اقرأ: حلا شيحة تقاطع محمد رمضان وتامر حسني!
وتابعت حلا شيحة: “انا مش حتكسف من حد انا تبت من المشاهد دي وهي لا تصح وانا غلطت وبصلح وأهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.
اقرأ: حلا شيحة الأقرب إلى الإسلام الحقيقيّ اعتزلت أم لا
تامر لم يصمت أمام تخاريف حلا وإهاناتها، وفهمها الخاطئ للتدين، فرد عليها وأحرجها قائلاً:
(نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو).
تابع: (أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا).
اقرأ: حلا شيحة الأقرب إلى الإسلام الحقيقيّ اعتزلت أم لا
اضاف: (و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل؟).
