انفردنا عبر الجرس منذ ساعات قليلة، بخبر طلاق الفنانة المصرية شيرين عبد الوهاب، من زوجها الفنان حسام_حبيب، الذي تم رسمياً بعد خلافات كثيرة وقعت بينهما خلال الفترة الأخيرة.
حسام حذف من صفحته مقاطع الفيديو التي كان نشرها من قبل، وكان يظهر فيها برفقة شيرين وابنتها هنا، حينما كان الثنائي يعلقان على التسريبات الصوتية التي نشرناها في الجرس أيضاً لوالد حسام (حسين حبيب)، والتي فضح فيها الوالد مخططات ابنه لسرقة شيرين.
كما حذف أيضاً الفيديوهات التي كان يهاجم فيها رئيسة التحرير نضال_الأحمدية.
كنا انفردنا في الجرس بنشر تسجيلات صوتية لوالد زوج شيرين، يكشف فيها عن مخطط ابنه للزواج على شيرين وسرقتها، وتضامن الآلاف من عشاق النجمة المصرية معها تحت هاشتاج (كلنا شيرين) مطالبين إياها بإتخاذ قرار مصيري هام ينهي كلّ هذه المؤامرات التي تُحاك ضدها.
إقرأ: فضيحة جديدة لوالد حسام حبيب بعد التسجيل الصوتي – فيديو صورة
حينها شيرين ردت وسددت ضربةً قوية لحماها، وتعمدت تجاهله وعدم ذكر اسمه نهائيًا، ما يعني إنها تؤكد على صحة التسجيلات التي نشرناها وتلمح إلى مقاطعتها لحماها.
قالت حرفياً في التسجيل الصوتي لها:
(عايزة أطمن كل الناس اللي بتحبني، أنا بخير، ومفيش أي نوع من الخطر عليا ولا على حياتي.. حسام جوزي إنسان من أنضف رجالة الدنيا، وإنسان محترم ومتربي وبيحبني أكتر من نفسه، وميستاهلش كم القسوة ده منكم).
تابعت: (حسام حبيب ربنا حطه في طريقي في وقت أنا كنت فيه متكسرة ومتدمرة، هو بنالي شخصيتي وخلاني بقيت بعرف أتكلم ورجعلي لنفسي تاني الثقة.. حسام ربنا هو اللي بعتهولي، وربنا مش هيعملي حاجة وحشة، وحسام بيحبني أكتر من نفسه أنا وبناتي).
أضافت: (حسام حبيب من ساعة ما اتجوزني مستفدش بأي حاجة، ومعملش لنفسه أي حاجة.. حسام عايش معايا بس عشان يخاف عليّا وعلى عيالي من كل شيء).
استكملت: (مفيش أي حاجة من اللي اتقال ده خالص، حسام إنسان نقي ونضيف وربنا هو اللي بعتهولي.. في حاجات كتير أوي بس مش المفروض أرد عليها، ولكن حماتي اللي ربت راجل أخلاقه كده لازم تكون ست عظيمة، حسام راجل عظيم وأمه ست عظيمة، وبتمنى منكم تدعولنا بالذرية الصالحة).
واصلت: (مفيش أي توكيلات باسم حسام حبيب، والفيز بتاعتي مش معاه، وكل الكلام ده مش مظبوط، لأن أنا كلي كده بتاعته، فـ فيز إيه وتوكيلات إيه.. أنا جوزي راجل متأصل وابن ناس ومن عيلة محترمة أوي أوي، ومقبلش أن حد يتكلم عنه كده لا هو ولا أمه).
استطردت: (حسام حبيب راجل مفيش منه خلاص، والناس اللي زيّه مبقوش موجودين.. وبالعقل كده، إحنا بقالنا 4 سنين متجوزين، لو كان فعلا راجل عايز يستفيد مني كان عمل حتى غنوة سينجل لنفسه، الناس لازم يبقى عندها عقل وتشوف).
أوضحت: (حسام حبيب راجل صايني وصاين عيالي، وكل الناس بتتخانق وتختلف، لكن هو بيحبني أكتر من نفسه.. أنا ربنا مديني قلب، وحاسة أنه بيحبني، وحاسة معاه بالأمان).
اختتمت: (حسام حبيب مضرنيش، حسام بالعكس فادني، وكفاية أنه طلع من حياتي كل الناس اللي كانت بتستغلني بجد.. حسام طلع كل الثعابين اللي كانت في حياتي وبتستغلني والحاجات الفاسدة).