حلت النجمة المصرية فيفي_عبده، ضيفةً على برنامج “حبر سري” الذي تقدمه أسما إبراهيم على شاشة قناة “القاهرة والناس”.
أدلت فيفي بعدة تصريحات هامة نذكر منها:
– لا أعلم إذا ما كانت أموال الفن حرام أم لا، أبقى إنسانة غبية لو قولت إنها مش حرام، خلاص كبرت بيها وبقيت فيفي عبده، مش هقدر أقول حرام وأتوب وما أتوبش، أنا بتعب في شغلي جدًا، وربنا هو اللي عالم هتوب امتى.
– جمال عبد الحميد مثل أخي وقدمنا سويا فيلم “االصاغة”، وعندما قال إنه عاش أحلى أيام حياته معي، أكيد كان يقصد كواليس الفيلم.
– لا أقبل التبرع بأعضائي، بالعكس، هذه خطوة جميلة من إلهام شاهين، لتنقذ بني آدم، ولكنها وجهات نظر.
اقرأ: تامر حسني لزوجته: تصرف متهور – فيديو
– أنا نجمي خفيف ممكن أعمل شغلي عادي ولكن أتحسد عليه، أنا لو مش فنانة شاطرة مش هيجيبوني في كل الحاجات دي.
– معشتش طفولتي ودلوقت أنا بشوف نفسي طفلة والبيت كله بيحبني.
– عمري ما روحت للدجالين أبدًا، ولا بصدق كلامهم، ولا حتى عيالي بيعملوا كده، والناس لازم تتغلب على الدجل والشعوذة بقراءة القرآن والصلاة.
– بشوف الناس ينزلوا صور عزايا، وصوري وأنا في المستشفى، البني آدم زي الشجرة، مسيرُه ييجي يوم ويموت عادي، دي الحقيقة الوحيدة في الدنيا.
– اخد أي ملابس لبستها في أي عمل عشان ميحصلش فيها أي حاجة بدفع فلوس وأخدها، مبحبش حد يلبس لبسي.
– مبجيش عند سيرة الحجاب، ألبسه لما أكون طالعة الحج أو في العمرة أو قبل ما أنام بكون لافة حاجة على دماغي وبكلم الجمهور في اللايف مش معنى كده أني اتحجبت”.
– أنا لو مش فنانة شاطرة مش هيجيبوني في كل الحاجات دي.