حلت الفنانة المصرية منة_عرفة، ضيفةً على المذيع نزار الفارس عبر برنامجه (مع الفارس).
اوضحت منة سبب قبولها الزواج من زوجها الفنان محمود المهدي، رغم زواجه مرتين قبلها وإنجابه أطفال.
وقالت منة عرفة خلال لقائها ردًّا على سؤال: ليه تتجوزي راجل متجوز مرتين وعنده أولاد؟
(أنا واحدة أول مرة أتجوز ويبقا عندي راجل أبقى مسئولة منه، محمود عشان اتجوز قبل كدا فعنده الخبرة دي، بيعرف يتعامل مع الست إزاي).
تابعت: (محمود عارف يعني إيه مسئولية، والدنيا كلها مطلقة، ولو اتطلقنا في المستقبل دا هيبقا نصيب، مش لأنه طلق قبل كدا).
وأوضحت أنها قررت عدم الظهور مع زوجها في لقاءات صحفية أو إعلامية، بسبب الجدل المثار حولهما، قائلة: مش هو اللي رافض بس، أنا كان عندي رفض تام، وواخدين قرار أننا منعملش أي لقاءات صحفية أو تليفزيونية ثاني، لأن لقينا حياتنا أهم من كل الكلام اللي هيحصل، أحنا اللي عملنا كده للأسف ولازم نتعلم من خطأنا، مفيش حد يتشهر أكتر لأن كل واحد فينا ناجح في مجاله.
وأشارت منة عرفة إلى أنها تلقت الكثير من الشماتة بعد إعلان خبر انفصالها، قائلة: فيه ناس كتير فرحت من خبر طلاقي، فيه ناس كانوا عاملين رهان أننا هنطلق، وهو ده بقى السبب الرئيسي لغرضي وغرض محمود أننا منطلعش ثاني، أول لما يلقوك وقعت بيعملوا فرح عليك، شوفنا كمية سواد وتنمر وحقد وشماتة في موضوع الطلاق رهيبة.
منة ومحمود احتفلا بعقد قرانهما أواخر شهر يونيو الماضي، وشارك محمود المهدي حينها صورته مع منة عرفة معلقًا: الحمدلله تم كتب الكتاب اليوم، بحضور أفراد العائلة فقط، وهنعمل فرح إن شاء الله بعد فيلم 666.
فيما كتبت منة عرفة: وكتبنا الكتاب في جو عائلي جدًا.. تم عقد قراني، والحمد لله الذي بنعمته تتم الصالحات.. اللهم بارك لنا وبارك علينا وأجمع بيننا في خير.
اقرأ: منة عرفة تعاني من الحسد! – فيديو
وقالت الفنانة منة عرفة، في وقت سابق، إنها لا ترغب في عمل حفل زفاف، والسبب في ذلك أن فكرة الفرح يستفيد منها المدعوين للحفل، وليس الزوجين.
وأوضحت منة عرقة خلال استضافتها في برنامج The insider: كنت أرغب في عمل حفل زفاف اليوم قبل الغد، ولكن الموضوع صعب، وكل البنات المقبلة على الزواج ستفهمني.. فكرة جلوسي مع منظم لحفل الزفاف صعبة وأنا مش فاهمة حاجة في الكلام ده، أنا بالنسبة لي تزوجت من الأساس.
واستكملت: أنا شايفة أن الفرح فكرته زيطة، وإحنا بنتبهدل في الفرح، وبنصرف فلوس كتير جدًا، الناس اللي بتيجي هي اللي بيتعمل لها فقرات، وبتأكل وتشرب وبتكون مرتاحة، ليقاطعها الحديث زوجها قائلًا: ومش بيعجبهم، وفي النهاية بيتريقوا على الفرح، ويقولوا شوف العروسة لابسة إيه، وليه التربيزات عاملة كده، وأنا بشوف الكلام ده بيحصل فعلًا.
في وقت سابق، أثار محمود المهدي جدلًا كبيرًا، بعدما نشر صورة له، تجمع منة عرفة مع طليقته الثانية، معلقًا عليها: الزوجة الثانية والزوجة الثالثة دون الكشف تفاصيل أخرى، مما أثار حالة من حيرة الجمهور، وسر هذه الصورة التي جمعت الطرفين وهل زوجته الثانية ما زالت على ذمته.
محمود المهدي تزوج مرتين قبل إعلان زواجه رسميًا للمرة الثالثة من منة عرفة، ولديه 3 بنات من زوجته الأولى.
