اعربت الفنانة المصرية مي_كساب، عن انزعاجها الشديد من انتشار خبر طلاقها عبر بعض الصحف والمواقع المصرية.
كتبت مي: (بطلو رخص بجد فشله لو كلفتو نفسكم وقريتو البوست بتاعي هتلاقوني كاتبه أهم نعم جاتلي في الدنيا جوزي وأولادي ربنا يشفي بجد أنا تعبت من تدخل الصحافه في الحياه كده وترويج إشاعات أكتر نقيب الصحفيين إحنا محتاجين قانون صارم عليهم إحنا بني آدمين برضه وعندنا أولاد وأهل بيزعلو علينا إرحمونا).
تابعت: (زهقت منكم بجد مش عارفه عاوزين تطلقونا ليه يخرب بيت التريند ع الريتش اللي من يوم ما طلع ما شفناش خير اتقو الله أنا عندي ٣ عيال وأهل بيزعلو علينا وجمهور ارقي منكم برضه بيزعل علينا ربنا يشفي بجد).
مي متزوجة من المغني أوكا الذي وجدت فيه الزوج والصديق والحبيب والسند وعوضها عن كل ما مرت به من أحزان في حياتها.
اقرأ: مي كساب تطالب باستبدال مصطلح عنوسة ونضال الأحمدية ترد – فيديو
أوكا روى من قبل تفاصيل قصة حبه وزواجه من مي كساب، خلال استضافته في برنامج “سيرة الحبايب”، الذي يُعرض على فضائية “TeN”، ويقدمه المذيع عمرو عبد الحميد بمشاركة الفنانة جيهان خليل، حيث قال: “كانت مي عايزني أنا وأورتيجا وشحته كاريكا في فيلم، وكنت خايف ومش عايز أمثل، ولما عملنا الفيلم أنا اللي بدأت”.
وتابع: “تشجعت على أني أكلمها، وكنت بتريق على أورتيجا لما أتجوز، ومكنتش عايز أتجوز أساسا، ولكن لما شوفت مي كساب الموضوع أتغير 180 درجة”.
وعن التعليقات السلبية التي تلقوها عقب إعلان زواجهما، قال “كنت أنا ومي بنشوف تعليقات الناس على زواجنا، وكنت بزعل على أي تريقة لأني عامل الموضوع على سنة الله ورسوله، وقولت لمي سيبك من الكلام ده وخلينا نشتغل وننجح”.
تعرف الثنائي وتقربا خلال الفيلم، ولكن زادت علاقتهما وصداقتهما بعد وفاة والدة مي بأسبوع واحد، حين اضطرت للنزول لتصوير الفيلم، رغم سوء حالتها النفسية.
وجود “أوكا” في حياة مي تحديدًا في هذا التوقيت جعل الأمر سهلًا عليها بعض الشيء، حيث استطاع بعد عناء إخراجها من الحالة السيئة التي مرت بها، إثر وفاة والدتها، خصوصاً أن والدتها كانت كل حياتها.
