تعرّضت المراسلة ومقدّمة نشرات الأخبار نوال بري لاعتداء بالضرب أثناء تغطيتها للقصف الاسرائيلي على الضاحية الجنوبية وتحديدًا حارة حريك.
وبعد الضرب، أطلت نوال وقالت إنها كانت تعلم بالضربة على الضاحية مبرّرة بأن الاجواء العامة كانت تشير إلى قرب حدوث الضربة بما أن اسرائيل توعّدت برد قاس على لبنان.
اقرأ: صورة معيبة ومفبركة لنوال بري – صورة
حملة تخوين كبيرة واجهتها برّي عقب الضرب وتصريحها، لكنها لم تصمت، وقالت:
(طلعت عميلة لان كنت ستناد باي وناطرة لنشوف وين الضربة لنروح نغطي، وطلعت عميلة لأن نزلت متلي متل كل وسائل الاعلام غطي تعرضت انا وزميلي للضرب ولتكسير معداتنا. طلعت عميلة لان صرخت بوجع لما اجا على الموتسيكل وضربني انا وعم فل على ضهري بكل استرجال)
اقرأ: دموع نوال بري وتأييدها لسعد الحريري
وتابعت: (وطلعت عميلة لان ولد جبان وبلا مربى تمرجل عليي ومد ايدو عليي. طلعت عميلة لأن هجم عليي رجال كبير لياخد مني المايك وضل يشد فيني لحمدالله سيطر على الوضع وكسروا.. والله والله بيّختوا مفهوم العمالة المتفشاية بالبلد بشكل لا يوصف ونسيتو العميل المزبوط لهيك صار مرتاح وضعو وسارح ومارح نحن يلي عم نعمل شغلنا ونتعرض للضرب عملا تعابير بايخة وناس تافهة بشكل لا يوصف)