ردًا على سؤالنا كيف ترين نتائج الحرب مع إسرائيل، وهل ستحتل الجنوب، أم ستحرض على قيام حرب أهلية؟
قالت الفنانة اللبنانية ورد الخال، في تصريحات خاصة للزميلة رئيسة التحرير نضال الأحمدية:
اقرأ: نضال الأحمدية ترد على السوريين والإعلاميين المأجورين – فيديو
“اسرائيل عندها مطامع كما يعرف الجميع وكل الاهداف اللي ترسمها، تدعو إلى القلق، لديها اهداف توسعية، هذا مشروعها منذ كانت أي منذ ١٩٤٨ حين احتلت فلسطين.
ولبنان الجار الأقرب والمقاوم الأشرس، يخافه العدو الصهيوني وقد يحوله إلى حي تابع له، “لكن هل يا ترى رح يصير مذابح جديدة بعد”؟”.
تابعت:
“وبخصوص الحرب الأهلية، في حرب نفسية بيننا كلنا كلبنانيين وها نحن عدنا إلى الانقسامات من جديد، وهذا مؤسف حقًا، أن نتبارى في الحقد على بعضنا البعض.
كل واحد منا بإتجاه وما أراه أنه لا توجد نقطة تلاقي بين المقسومين، قسم يرى ان الحرب ضد إسرائيل ضرورة، وقسم شايف “مابدو حرب” وهذا يعني: نعم يوجد شرخ كبير جدًا بين اللبنانيين، ونراه واضحًا عبر مواقع التواصل الاجتماعي حتى بالتخاطب المستفز والوعيد والتخوين، “كتير بشع هيدا الشي اذا انا مني مع الحرب او بدي لبنان مش معناه انه انا صهيونية عيب بطل حدا يفكر انه بس بدو بلده، صار انه عيب وبتخافي تقولي انا بدي بلدي بيفكروكي انتي من الجهة التانية، شو عرفكن انا من اي جهة كلنا لازم يكون بدنا لبنان والدولة والشرعية وكل شي، كيف بدنا يكون عندنا دولة مثلنا مثل كل دول العالم بالها بالازدهار والتقدم والرخاء والسلام”.
اقرأ: نضال الأحمدية حللت الأزمة السورية باكرًا وأصابت
اضافت ورد الخال تتساءل: “نحن بنستاهل السلام؟ اذا نحنا بينا وبين بعضنا بنحارب بعضنا بدنا ننطر الغريب ما يقصفنا ويستغلنا”.
وعن مصطلح التطبيع قالت:
“كلمة التطبيع كلمة كتير كبيرة، دول عربية اهم مننا مش عم تقدر تتعامل مع هيدا الموضوع، نحنا بدنا نعيش بسلام، تطبيع مش معناه انه انا بدي اعمل سلام، وكيفك يا حبيبي، بس كل واحد بيكون على حدوده ولو ظاهريا، اقل شي ليكون عندنا منظر قدام المجتمع الدولي، في ناس بيقولوا ما عنا ثقة بإسرائيل، بس اذا ضلنا هيك ما رح نعمل شي، هيدا البلد كيف بدو يمشي؟”.
أما عن ارائها التي تكتبها عبر السوشيال ميديا قالت:
“انا بطلع اوقات بالسوشيال ميديا بكتب فشات خلق، ما بصير الاستباحة بعرضنا وببلدنا ومافي حدا بيطلع بيحكي وساكتين، شو هالمنطقة المعلونة هي، ما حدا بيقدر يتصرف لانه ما عندك دولة من الاساس”.
تابعت:
“من الاخر بالحروب ما في حدا ربحان، كلنا خسرانين، لازم نتبهدل قبل ما نقعد نحكي مع بعض بحضارة بعقلانية؟ هيدا البلد مقسوم وفي وجهتين نظر في فرق كبير بينهم، في ناس بتقولك عم نحارب عنكم، والقسم الثاني بيقولك هيدول بيموتوا كرمال ايران، وناس ما بدا حرب، انا ما بدي حرب بس مش معناها انا مع اسرائيل اذا ما بدي حرب، نحنا بنقدر نستقوى على اسرائيل؟ ما فيكي تستقوي على القوي، كلنا عم نخسر، وبيقولوا لك هي كمان مرعوبة طيب بس نحنا وين وهني وين؟ يعني شي مستفز كتير، كلن بيطلعوا طالع ونازل ومافي شي حكيوه صار، ان كان حزب الله هو بيعرف مظبوط شو عم بيصير ونتنياهو واسرائيل بتعرف شو عم بتعمل ونحنا قاعدين نتفرج ونموت!”.
اقرأ: ورد الخال تدعم الممثلين البنانيين الشباب
كما انتقدت ورد بشدة تعاطي بعض اللبنانيين مع الناطق بإسم الجيش الإسرائيلي وردهم على تغريداته، وقالت:
“نقعد نمزح مع العدو اللي انا ما بسميه الا عدو وهني عالطالع والنازل بيحكوا اسمه وبيقولوا الناطق بإسم الجيش الاسرائيلي، وبيحكوا معه وبيبعتوله فيديوهات هو وغيره هيدا مش يعتبر خيانة؟”.
اختتمت متعجبة: “كيف بتتوجهوا له الذل وقلة الكرامة ماوصلت اكتر من هيك، هيدا مستفز كتير بصراحة، بغير دول اذا مطربة او فنان اتصور بالغلط مع شخص اسرائيلي بتقوم الدني وبتقوم القيامة، وانت قاعد ليل نهار تتحدث انت وياه وبتصورله فيديوهات وبتضحك انت وياه هيدا ممنوع هيدا عدوك كيف بتحكي انت وياه!”.