حل الفنان المصري خالد الصاوي، ضيفًا على المذيعة ياسمين عز مقدمة برنامج كلام الناس، وأدلى بتصريحات قوية عن موضوعات يتحدث عنها لأول مرة.
اقرأ: خالد الصاوي: الجواز شر لا بد منه!
وهنا أبرز تصريحات خالد الصاوي:
-عشت حياتي مستني واحدة زي مي.. ساعات تتصل تقولي حبيبي بقالك 3 أيام في المكتب وكل مرة أقولها أسف مش هكرر ده.
– فرق السن بيني وبين زوجتي 20 سنة ولكن هي دماغها أكبر من سنها بكتير، وأنا أعيل منها.
– عضيت كلب عضني في خناقة.
– أخدت حقن تخسيس وكانوا هيموتوني.
– الكلبة كيم بمثابة بنتي وبقول يارب اجمعني بها في الجنة.
– الإنسان مش حلو وبتاع مصلحته ولكن الكلاب ممكن تدخل خناقة ومستعدة تموت علشانك.
– واجبي رفع الظلم عن المظلوم.. ودخلت خناقات كتير في حياتي وبتخلص أن الطرف التاني يقولي أنا آسف.
– مكنش يصح إني أكون مضايق علشان الضرائب حجزت على فلوسي فاطلع غلي في أصحابي.
– غلطت في طريقة معاتبتي لـ كريم عبد العزيز والسقا وتامر حسني.
– كنت بشرب وبتعاطى حاجات، لكن في مرة حسيت بتعب شديد، وكأن كل شيء هيأثر على حياتي وعلاقاتي بالناس.
– أنا بخاف من العجز، أول ما أقرب من منطقة العجز أو الدكتور يخوفني، ممكن أتجنن.
– الحق عايز قوة وأنصار وممكن دي تبقى البداية إن العالم كله يشوف كم كرهنا لإسرائيل وكل اللي وراهم.
– تجربتي مع فيروس سي قاسية وعلاجي في ألمانيا فشل وفي الآخر اتعالجت في بلدي.
