أحيت المغنية اللبنانية ماجدة الرومي حفلًا خيريًا مرتدية علم لبنان، ضمن مبادرة (الإمارات معك يا لبنان) بالتعاون مع مؤسسة دبي للعطاء.
لم تنسَ الماجدة وطنها، ووجهت كلمة للبنان وشعبه، وقالت: (منلتقي اليوم بظروف لبنانية استثنائياً صعبة ومأساوية.. منلتقي اليوم لنوقف هالوقفة التضامنية مع لبنان وأهله، وأنا بعرف إنو ما حدا فينا مبسوط.. أي لبناني مبسوط يشوف بلده عم يتدمر؟ اهله وناسه عم ينقتلوا عم ينصابوا ويتهجروا بهالحرب يلي يا ريتا ما كانت.. ولا كان هالخراب يلي عم نشوفوا ولا هالضيع يلي عم تتدمر، ولا هالخسارة الرهيبة بالأرواح وبالأرزاق)
اقرأ: ماجدة الرومي تطل كالأميرات من قصر عابدين – صور
وتابعت: (شو هالمجزرة يلي ما عادت تخلص من الـ75 لهلق، متل كأنو نحنا مندورين للموت.. شو هني هالأغلاط المتراكمة يلي حولتنا مع السنين لساحة لتصفية كل الحسابات”، مضيفة: “أنا متألمة وحزينة متل كل اللبنانيين، بس اذا كان مطلوب مني غني تأوقف لبلدي وأهلي وناسي يلي هني بحاجة لالي، اليوم رح غني وبقول لما توصل لهون لما ينسرق منا القرار اللبناني الحر، لما يتفكك لبنان متل ما عم نشوف، بصير كل واحد فينا مسؤول قدام الله وضميره عن مصير لبنان ما بقى حدا ينطر حدا)
اقرأ: ماجدة الرومي وسلاف فواخرجي الشقيقتان
وختمت ماجدة الرومي كلامها بالقول: (جيت على الامارات معي سلاح، وسلاحي هو صوتي، جيت وجه تحية للبنانيين وجيت قلن بمعاناتكن وبدموعكن بدي ضمكن لقلبي وما افلتكن دقيقة ولكل المؤمنين بسيادة لبنان يا اخوتي اسمعوني نحنا وربنا والحق وأرضنا منا قلال، نحنا منكفي لبكرا بقوة الله وشي نهار قريب بيولد منا نحنا لبنان حر سيد ومستقل، بس من هلق لوقتا مطلوب من المؤمنين بسيادة لبنان يعتبروا نفسهم إنهن من الاحتياط تبع الجيش اللبناني، كل واحد فيكن عسكري بالجيش اللبناني، كل واحد فيكن يقول معي انتقاماً لكرامتنا وشرفنا اللبناني)
اقرأ: ماجدة الرومي حققت المليون الاول
رددت قَسَماً خاصاً بالجيش اللبناني قالت فيه: (أقسم بالله العظيم أن أقوم بواجبي كاملاً، حفاظاً على عَلَم بلادي وعن وطني لبنان)
