طالبت الفنانة المصرية سمية_الخشاب، بوضع رخصة واختبار للزوجين قبل السماح لهما بالإنجاب، ودلك بعد كثرة حالات الطلاق ودفع الأطفال ثمن خلافات والديهما.
اقرأ: أحمد سعد يدفع 270 ألف جنية لسمية الخشاب
كتبت سمية عبر صفحتها:
(انا بطالب برخصه وامتحان لـ الانجاب، يعني قبل ما الازواج يخلفوا يروحوا يطلعوا الرخصه دي فيتعملهم اختبار هل هما مؤهلين يربوا او لا؟ هل هما mentally stable؟ هل هيطلعوا نشأ كويس للمجتمع؟ واللي يسقط فالامتحان يعملوله therapy وياخد كورس تدريب لحد ما ينجح عشان ميظلموش الاطفال معاهم).
تواصلنا مع سمية وأدلت بتصريحات حصرية للجرس توضح فيها سبب ما قالته واوضحت وجهة نظرها بشكل مفصل، فقالت: (كلامي مالوش علاقة بتحديد النسل، انا بتكلم عن مسؤولية الأزواج تجاه ابنائهم، ماينفعش الناس تتسرع وتتحوز بسرعة وبعدين يطلقوا وينشغلوا عن الاولاد وبيطلعوا الاولاد مشتتين وعندهم امراض نفسية وبيتظلموا، ودائماً بقول اخطاء الآباء يتحملها الأبناء، اقل مدة المفروض الزوجين يعرفوا بعض فيها سنة ونص او سنتين، وبعدها يقرروا يتجوزوا ويشوفوا هل قادرين على مسؤولية تحمل تربية اطفال، لان حرام الأطفال بتتظلم ونسبة حالات طلاق كتير اوي في الوطن العربي، انا صعبان عليا الاطفال اللي مش بيلاقوا حد يربيهم، الام والاب بيتطلقوا وكل واحد بيتجوز وبيشوف حياته، فا الاولاد بيطلعوا مظلومين ونفسياً معقدين وبالتالي بيصبح عندنا مجتمع غير سوي).
تابعت: (زي ما بتخضع لاختبار عشان تاخد رخصة سواقة، انت لو غير مؤهل انك تاخد رخصة سواقة بتتسبب في ضياع ارواح ناس، العلاقة الزوجية مش زي السواقة، ولكن ده مثال كنت اقصد بيه ان لازم الموافقة على ان الاب والام يتمتعوا بصحة نفسية وانهم مؤهلين نفسياً وعقلياً انهم ينجبوا اطفال ليهم دور ايجابي في المجتمع).
نؤيد سمية بشدة فيما قالته، خصوصاً مع تزايد حالات الطلاق في وطننا العربي وتشرد الأطفال بعد انفصال الوالدين.
كم مثقفة سمية الخشاب، وكم إنها اقترحت اقتراحاً ليت جميع الدول العربية تطبقه، لنحد من ظاهرة تشرد الأطفال وضياع مستقبلهم بسبب انفصال الآباء.
