حلّ باسم_يوسف ضيفًا على برنامج بيريز مورغان، وتحدّث عن مسلسل (كليوبترا) الذي سيعرض على شبكة (ننفليكس) والذي يقدّم معلومات زائفة وغير حقيقية عن التاريخ المصري.
وقال: (ناس من غرب افريقيا وجنسيات تانية متفقين مع وجهة النظر اللي انا طرحتها. مهم جدا لما ندافع عن وجهة النظر او تاريخنا اننا نعمل ده بادب واحترام للحضارات التانية. ما يصحش ابدا اننا واحنا بندافع عن تاريخنا اننا نهين او نقلل من عرقيات او حضارات اخرى عشان كده انا اصريت اني اتكلم باحترام عن حضارات غرب افريقيا لان الناس دي مش اعداءنا وحيحترمونا لما نحترم تاريخهم)
اقرأ: باسم يوسف وابنته دون ملابس من الحمام! – صورة
وتابع: (وكمان مهم اننا نتكلم عن التزوير الممنهج من ايام الستينات لدرجة ان في ناس مصدقة موضوع ان اليهود بنوا الاهرامات وده كلام تاريخيا مش صح. ومهم اننا ما ننجرش بحوار ابيض واسود ده لان ده حوار امريكاني صرف بين البيض والسود هناك ومش المفروض نتجر في حتة عنصرية بالعكس انا قلت انها اهانة اكبر بكتير انهم يجيبوا واحدة زي جال جادو جندية اسرائيلية سابقة ومؤيدة لقمع حكومتها للفلسطينيين انها تمثل دور كليوباترا. مش المفروض نتحمق ان كليوباترا كانت بيضا او سودا او يونانية او افريقية، المفروض ناخذ الكلام في حتة الناس تحترمك فيها وتقف معاك من غير ما تنفرهم. الحوار في الوسائل الاعلامية الغربية لازم يكون بحساب ومدروس ولازم تفهم جمهورك وتشوف مين بيسمعك)
اقرأ: باسم يوسف يشيد بهذا المسلسل!
وأضاف: (انا غير متخصص وفيه ناس تانية عندها علم احسن مني والمفروض يبقى فيه تحرك مدروس للرد على السرقة الممنهجة للهوية بتاعتنا في السينما والتلفزيون. انا مش احسن واحد يمثل القضية دي لكن لما تمت دعوتي للكلام في البرنامج ما كنتش اقدر اقول لا. تاني حاجة قبل ما ننبسط بالانتصارات الصغيرة دي فيه حاليا مشاريع بتتعمل في امريكا ومنها مسلسل كارتون كيفن هارت بينتجه اسمه الرمال السوداء)
وتابع: (في المسلسل ده مش بس كليوباترا لا كل المصريين اللي فيه افارقة. واحنا بيتم النظر لينا اننا معتدين وسرقنا حضارتهم. الدولة المصرية لو ما اتحركش تحرك ذكي بعيد عن حوارات القضايا والمنع لان ده مش بيجيب نتيجة، النتيجة اننا حنشوف بعد سنتين افلام ومسلسلات عن الفراعنة واحنا حنكون ممسوحين منها. لازم الدولة ممثلة في وزارة الاثار والسياحة تدفع فلوس لشركات دعاية” publicists “ وتتفق مع علماء مصريات مش بس مصريين لكن اجانب ويتكلموا في الموضوع ده بعقل وحكمة وبطريقة اكثر علما ومعرفة مني. انا مهما عملت مش حقدر اواجه فلوس كيفن هارت او كايري ايرفين او شعبية ريهانا او زندايا. الاهم بلغت اللهم فاشهد)
قصة فيلم كليوبترا
فيلم الملكة كليوباترا، هو عمل درامي وثائقي ينتمي لسلسلة «African Queens»، التي بدأت الموسم الأول «Njinga»، الذي عُرض في فبراير الماضي على منصة نتفليكس.
الفيلم الوثائقي عن الملكة كليوباترا Queen Cleopatra، من المقرر أن يبدأ عرضه يوم 10 مايو 2023، ويشارك في بطولته كل من جون باتريدج في دور يوليوس قيصر، كريج راسل في دور مارك أنتوني، مايكل جريكو في دور بوثينوس.
فمع الساعات الأولى لطرح نتفليكس تريلر فيلم Queen Cleopatra- فيلم كليوباترا، احتشد الآلاف من المصريين دفاعا، عن جزء هام من تاريخهم، تم تزيفهم ونسبته لغير أهله، وهو ما ظهر تأثيره واضحا علي سهم شبكة نتفليكس في بورصة وول ستريت.
وخسرت نتفليكس 5٪ من سعر أسهمها، وهو ما يقدر بـ 5 مليارات دولار أمريكي، وسط حذر شديد على التداول في اسهم الشركة في البورصة.
