تحدث الفنان المصري رامي صبري، عن كواليس تعاونه مع النجم المصري تامر حسني، بأغنية ديو مشتركة بينهما لأول مرة.
كتب رامي عبر صفحته:
“أولاً تامر فنان أخ وغالي ومحترم (وواثق في نفسه) ودي للاسف مش موجودة كتير في مغنيين كتير ناجحين ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده”.
تابع:
“تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً، أولاً علشان عنده صفاء نفسي مش موجود عندي أنا شخصياً اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً”.
اضاف: “عاوز أقول مش كل فنان أو نجم يستحق، لان دايما الأخلاق واحترام زمايلك هو الموضوع مش بس الفن، شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه”.
استكمل: “كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية (فعلاً مبيتنسيش).