علقت المذيعة المصرية ريهام سعيد، على الهجوم عليها على مدار الساعات الماضية بعد حلقتها الأخيرة عن صيد الحيوانات في برنامجها “صبايا الخير”.
اقرأ: ريهام سعيد تعود: ماحدش يكتب الإعلامية الموقوفة!
قالت ريهام عبر فيديو لايف نشرته على صفحتها: (فوجئت الصبح بالضجة اللي حصلت بسبب حلقة أمس، ومعظم اللي بيتكلم ماتفرجش على الحلقة).
وأضافت: (بعتذر لو في حاجة أزعجتكوا بس إحنا حبينا نركز على مهنة صيد الحيونات وأنها بستخدم في مراكز الجامعات والبحوث لانهم بياخدوا منها أجسام مضادة وهي دي الطريقة اللي بيصطادوا بيها، وكنت بغطي رحلة صيد، وواضح إني كنت خايفة ودورت وشي لإني مكنتش قادرة اشوفهم وهما بيمسكوا رجله، وسألت على الطريقة الصحيحة اللي بيتشال منها قالولي زي القطة).
إقرأ: ريهام سعيد أهانت مرضى السمنة؟ – فيديو
تابعت: (مش محتاجين نعمل حاجة علشان المشاهدة احنا جيبنا مشاهدات عالية جدا، وأنا مبسوطة إن البرامج سلط الضوء على طريقة الصيادين اللي الإعلام لم يتطرق لها من قبل ولفتت نظر الجمهور إنها طريقة صيد غير مقبولة).
اختتمت سعيد: (مستغربة إن مفيش حد جاب سيرة الصيادين والصيد خالص، وبتحسبوني على طريقة صيد من نصف قرن محدش خد باله منها الا عن طريقي، رجاءماتتبعوشالناس اللي عاوزة توقف البرنامج لأغراض شخصية).
ولريهام نقول، هل مبررها إنها تنتقد طريقة صيد الحيوانات البرية، لهذا اصطادت ثعلباً واحضرته برنامجها وعذبته مثلما تدعي أن الصيادون يفعلون؟
هل من المنطقي أن نعذب حيوان كي ننبه المشاهدين لقضية أخطاء الصيادين؟
بمنطق ريهام العجيب، سيحق لنا حينها أن نغتصب الفتيات على الشاشات كي ننبه المجتمع لظاهرة الاغتصاب، ويحق لنا أيضاً أن نعذب الأطفال علناً لنلقي الضوء على قضية تعنيف الأطفال!
