اعلن الفنان المصري محمود المهدي انفصاله عن زوجته الفنانة المصرية منة_عرفة، للمرة الثانية بعد انفصالهما منذ عدة أسابيع وعودتهما مرة أخرى.
كتب المهدي عبر صفحته:
(تم الانفصال والحمد لله على كل شيء ربنا يوفقها ويوفقنا).
تابع: (ربنا اللي بيرزق العبد وعمرها ما كانت بأيد حد، وضد الفساد حتى لو فضلت لوحدي بس ربنا معايا).
أما منة فكتبت عبر صفحتها: (ان كان لنا نصيب في شيء سنراه، وان لم يكن فالخير فيما قدره الله).
وكانت منة اعلنت من قبل عودتها لمحمود بعد انفصالهما الأسابيع الماضية وهاجمت الصحافة حينها واعتبرتها سببت الخلافات بينهما.
كتبت منة حينها:
(من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا).
وأضافت: (خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية).
اقرأ: أول تعليق لمنة عرفة بعد طلاقها
وتابعت: (الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي).
وقالت في النهاية: “ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحونا حرام عليكم”.
منة ومحمود احتفلا بعقد قرانهما أواخر شهر يونيو الماضي، وشارك محمود المهدي حينها صورته مع منة عرفة معلقًا: الحمدلله تم كتب الكتاب اليوم، بحضور أفراد العائلة فقط، وهنعمل فرح إن شاء الله بعد فيلم 666.
فيما كتبت منة عرفة: وكتبنا الكتاب في جو عائلي جدًا.. تم عقد قراني، والحمد لله الذي بنعمته تتم الصالحات.. اللهم بارك لنا وبارك علينا وأجمع بيننا في خير.
اقرأ: منة عرفة تعاني من الحسد! – فيديو
وقالت الفنانة منة عرفة، في وقت سابق، إنها لا ترغب في عمل حفل زفاف، والسبب في ذلك أن فكرة الفرح يستفيد منها المدعوين للحفل، وليس الزوجين.
وأوضحت منة عرقة خلال استضافتها في برنامج The insider: كنت أرغب في عمل حفل زفاف اليوم قبل الغد، ولكن الموضوع صعب، وكل البنات المقبلة على الزواج ستفهمني.. فكرة جلوسي مع منظم لحفل الزفاف صعبة وأنا مش فاهمة حاجة في الكلام ده، أنا بالنسبة لي تزوجت من الأساس.
واستكملت: أنا شايفة أن الفرح فكرته زيطة، وإحنا بنتبهدل في الفرح، وبنصرف فلوس كتير جدًا، الناس اللي بتيجي هي اللي بيتعمل لها فقرات، وبتأكل وتشرب وبتكون مرتاحة، ليقاطعها الحديث زوجها قائلًا: ومش بيعجبهم، وفي النهاية بيتريقوا على الفرح، ويقولوا شوف العروسة لابسة إيه، وليه التربيزات عاملة كده، وأنا بشوف الكلام ده بيحصل فعلًا.
في وقت سابق، أثار محمود المهدي جدلًا كبيرًا، بعدما نشر صورة له، تجمع منة عرفة مع طليقته الثانية، معلقًا عليها: الزوجة الثانية والزوجة الثالثة دون الكشف تفاصيل أخرى، مما أثار حالة من حيرة الجمهور، وسر هذه الصورة التي جمعت الطرفين وهل زوجته الثانية ما زالت على ذمته.
محمود المهدي تزوج مرتين قبل إعلان زواجه رسميًا للمرة الثالثة من منة عرفة، ولديه 3 بنات من زوجته الأولى.
