هاجمت نادية الكامل زوجة النجم المصري أحمد الفيشاوي الفنان المصري محمد_رمضان بعدما صرح مصمم أزيائه أنه رفض دفع أموال أزياء صممها له.
اقرأ: الفيشاوي: أنا الوحيد اللي اقدر على محمد رمضان
وعلقت نادية الكامل قائلة: ما تدفع يا نجم تمن الهدوم اللي خدتها .. وخليت مدير أعمالك ميردش علي الراجل الترزي سنتين ولما جه عندك عاملوه بطريقه بايخة .. كنت ادفع احسن من الفضيحه دي.. ادفع تمن الـ ٤ سديري والـ ٣ بدل والا هو كل شويه فالح بس تقولنا وغنيتهالنا كمان ان كل هدومك فيرساتشي فيرساتشي وانت بتقلدهم ومخيط نص هدومك عند الترزيه وفاكرنا عبط ومنعرفش الاصلي من المضروب”.
وأضافت: “ملناش دعوة.. لكن مش كل شويه تجيبلك هدمتين او حد يدهوملك هديه من اللي طال عمره علي شويه من الترزي .. versace نفسه مش كل هدومه فيرساتشي.. من فضلك يا نجم البس في صمت وادفع اللي عليك.. ورجاء اخير ياريت تنطق كلمه versace صح”.
نادية يبدو إنها تأخذ بثأر زوجها، بعد أزمته الشهيرة مع رمضان.
اقرأ: محمد رمضان يهين الفيشاوي والأخير يرد!
بداية أزمة محمد رمضان مع أحمد الفيشاوي كانت مع إعلان الأخير تحضيره لأغنية جديدة تحمل اسم “نمبر 2″، تأتي على طريقة الفيديو كليب، تحمل إسقاطًا على “رمضان” الذي كان طرح قبل عامين أغنية تحمل اسم “نمبر وان”، بالإضافة إلى إصراره عبر السوشيال الميديا وفي حواراته على كونه “رقم 1”.
وعن أغنية الفيشاوي المنتظرة، قال رمضان في تصريحات لاحقة له مع برنامج “إنسايدر بالعربي”: “مفيش حد يعرف يتريق، نمبر وان حلم كل شخص في الحياة، وكل إنسان في أي مجال بالعالم، ومنقدرش نتريق على نمبر 1″، موجها رسالة إلى الفيشاوي، بالقول: “ربنا يوفقك ونمبر 2 تنجح وتبقى شيء عظيم، إزاي تنافسني وأنت بتقول على نفسك نمبر 2 وده اعتراف رسمي أمام العالم كله!”.
وذلك قبل أن يكشف محمد رمضان، عن أغنية تحمل اسم “الدبابة”، ومن بين كلماتها يقول: “دايما عامل ساسبنس، جامد أنا، تعالى هنا خد درس، جامد أنا، في الغالي أنا إكسلانس، أنا هقدر أيوه جيت، إيه مالك اتخضيت، تشوفني تقول يا ريت، رقم 1 مش تو، واخد قراري ولازم أكسب أي فورة، مع اعتذاري للفيشاوي أخره معايا صورة”.
ويبدو أن الإسقاط الذي تحمله أغنية محمد رمضان “الدبابة” عن أحمد الفيشاوي، لم يتقبله الأخير، وخرج في تسجيل صوتي لبرنامج “ET بالعربي”، قائلا: “أنا دلوقتي في الاستوديو وبسجل أغنية (نمبر 2)، وتعليقي على اللي قاله أستاذ محمد رمضان: أنا مش هقبل اعتذارك”.
