شنت المذيعة المصرية مروة صبري، هجومًا على المخرجة إيناس الدغيدي، عبر برنامجها “قعدة الستات” بعد تصريحاتها الأخيرة عن تجربتها في المساكنة ٩ سنوات قبل زواجها.
قالت مروة صبري: “طالعة تقولي عشت المساكنه ٩ سنين قدام الناس كلها؟ إذا بليتم فاستتروا صدمة كبيرة جدا للناس اللي سمعت كل التصريحات دي، كل الناس عارفة أن ايناس الدغيدي جريئة وصريحة وحرة في تفكيرها ولكن في حاجات مينفعش”.
اقرأ: إيناس الدغيدي وتصريح جرئ عن المساكنة
تابعت: “ده وقت وكلام وإجابات وتصريحات تودي في داهية خصوصا إن حضرتك مش محتاجة ترند وعارفة انك مبتحبيش تطلعي في البرامج إذن مش من التارجت بتاعك تطلعي في برامج وتقولي حاجه تعملي بيها ترند زي الفنانات اللي بتعمل بلبلة عشان المواقع تجيب سيرتهم”.
وكانت المخرجة إيناس الدغيدي، اثارت حالة من الجدل بتصريحاتها بعد حلولها ضيفة على برنامج القرار المذاع على قناة الغد، وتحدثت بجرأة مؤكدة أنها عاشت المساكنة مع زوجها قبل الزواج.
وقالت إيناس الدغيدي خلال اللقاء: “مختارتش أكون جريئة، أنا فعلا جريئة وحياتي كلها فيها جرأة وأنا مكنتش متخيلة إني جريئة، وبتصرف عادي ولكني طلعت جريئة، ولما دخلت الفن ومعهد السينما كان بالنسبة لي لحظة جرأة لأننا من عيلة ملهاش علاقة بالفن، وعيلة ملتزمة دينيًا ووالدي كان مدرس لغة عربية ودين”.