في مداخلة هاتفية ضمن برنامج (كل يوم حكاية) تقديم المذيع المصري عمرو أديب، قال الموزع الموسيقي أحمد ابراهيم، إن علاقته بطليقته ياسمين عيسى أم أولاده جيدة جداً، وكانا يتحدثان سوياً منذ دقائق عبر الهاتف، وأنها نسانة جيدة معه، ولا خلافات تجمعهما.
وعن زواجه من أنغام قال أحمد إنه تزوّجها بعد حب، ولم يتزوجها لأجل الشهرة، وبأن اسمه كان معروفاً في الوطن العربي ووزّع أهم الأغاني العربية التي حققت نجاحات كبيرة.
أحمد ابراهيم قال إن عمره 36 عاماً وأنغام تكبره 11 عاماً، أي عمرها ٤٧ عاماً وعلاقتهما جيدة.
اقرأ: أحمد ابراهيم يعلن عن العمر بينه وبين أنغام ويتراجع – وثيقة
وقبل مداخلته الهاتفية مع عمرو أديب، وجه أحمد ابراهيم رسالة قاسية لكل من انتقد زواجه وكل من وصف أنغام (بالزوجة الثانية)، وقال:
دي رساله لكل حد هيتجاوز من هنا ورايح.. أولا بشكر كل صحفي وإعلامي احترم رغبتي في عدم التعليق على الكلام الكتير آخر فترة.
لكن واضح إن السكوت عند بعض الناس بقى يتفهم غلب وخوف ومحدش بيقدّر احترام الواحد لخصوصياته! انا بعرف اتجاهل على فكره وكنت سكت طول الفترة الاخيرة ورفض الف برنامج للرد على تجاوزات في حقي وحق زوجتي التانيه او اتهامات كاذبه في حق زوجتي الاولى منسوبه ليا واتهامات من ناس سفلة عاملين (حبايب وقرايب) بيسخنوا الدنيا ضدي وضد زوجتي التانية غيرة وغل لكن ربنا الحافظ سكت لاني كبير وأعرف ادير بيتي ازاي ومش من هواة الرد و١٧ سنه شغل لا جريت على ماده ولا شهرة لاني شبعان ولاني بتقي الله وبستخيره في تصرفاتي وباخد قراراتي بنفسي واللي عارفني عارف مين احمد ابراهيم .. اللي في الصورة معايا دي مراتي وحطاني فوق دماغها وبترضيني قبل ما تبقى نجمه وأهم مطربات مصر والوطن العربي .. محدش بيجبر حد على حاجه واللي في الصورة معايا لا خدتني من بيتي و ولادي ولا خربيت بيت حد ولا الف شخص يقدروا يحرموني من ولادي ولادي في حضني وهما وامهم (بنت الاصول) في رقبتي وعايشين في خيري و من عرقي ومحدش اشتكى عشان حضرتك واللي زيك يشحت بيهم و الحمد لله ولادي زي الفل ومعايا ومامتهم فوق دماغي وشايله لسه اسمي ووش الخير عليا وسواء كملنا او انفصلنا هتفضل ام ولادي وكله نصيب ومش ضعيفة عشان حد يدافع عنها
اللي قدامك وبتقول عليه قد ابنها ده ده عنده ٣٦ سنه ومخلف ولدين واحد فيهم ٨ سنين ومتجوز ٢ وفاتح بيتين يابو شخه واتمرمط واشتغل الف شغلانه وهو صغير وبيساعد في فتح بيوت كتير بفضل ربنا من صغره وفرق السن يا جاهل اللي بيني وبين مراتي ١١ سنه يعني اقل ٤ سنين من الفرق اللي بين السيده خديجه والنبي ص اللي في الصورة ده واخد جوايز ومتكرم كاحسن موزع في مصر والوطن العربي اخر ١٧ سنه اكتر ما انت دخلت الحمام وصاحب اهم بصمات ونجاحات ناس اكبر منه في السن ماحققوش ربعا و بفضل الله اعلى سعر موزع موسيقى حاليا مع اتنين تلاته كمان من جيله على مستوى وطن عربي .. اللي بتهاجمه ده عشان تضحك المرضى اللي شبهك عمل اغنيه اسمها على بالي لشيرين من يجي ١٥ سنه وهو بيدرس وبيشتغل شغلنتين ويصرف على نفسه كسرت الوطن العربي وله بصمه في تاريخ نجوم الوطن العربي وقت ما حضرت كنت بتاخد المصروف من ماما ..
كفاية متاجرة بولادي وامهم ونواح وعياط بحياتنا الشخصية محدش طلب تدخلكم في امور بيتي ولا حد يعرف اسرار البيوت.. اولادي او اي واحده من زوجاتي الاتنين عايشين من عرقي انا وقادر اتجوز كمان اتنين لو عاوز الحمد لله
https://www.instagram.com/p/Bvm9b80FLc3/?utm_source=ig_share_sheet&igshid=1v16aejhiwwzs