منذ 6 سنوات نعت الفنانة السورية أصالة نصري الممثلة السورية مي سكاف التي توفيت وحيدة في باريس على اثر نوبة قلبية حادة قضت على حياتها. ونشرت صورة الراحلة إلا أنها تلقّت عدداً كبيراً من الشتائم والشماتة بعد موت المعارضة السورية مي سكاف.
اليوم عادت أصالة لتنشر فيديو لمي سكاف وكتبت: (معقول القهر الّلي عاشته هالسّت الحرّة؟ معقول كمّ القسوة الّلي صارت بقلوب أهلنا وصحابنا وجيراننا وحبايبنا؟ معقول كلمة حريّة شو جرحت شعور ناس كلّ أحلامها تبقى على قولة أخي أنس (تحت الصرمايه).. الحريّة مطلب طبيعي وإنساني وكلّنا لازم نتمسّك فيها.. الحرّ الّلي مابيبيع شرفه ولا كرامته ومابينذلّ وبيركع إلّا لله..)
وتابعت أصالة نصري: ميّ سكاف بتمثّل الشرف وبتمثّل الكرامة وبتمثّل الشموخ.. والله رحمها وخلص.. راحت لعند الّلي خلقنا أحرار.. وبعدين شو قصّة هالجحود والوحشيّه عند الّلي ما كانوا بيملكوا غير المحبّه والطيبة والتعايش والتسامح.. كلّ هاد راح؟ الله يلعن كلّ قاسي وحقير وقليل الأدب..
وأضافت صاحبة أغنية (ما بقاش أنا): ولدنا أحرار كلّنا ونيّال الّلي مات وهوّه مؤمن إنّه حتّى محبّتنا ل الله بدها قلب حرّ الإيمان حريّة والحبّ حريّة ونيّال ميّ الّلي ماتت حرّه.. ولتعرفوا ميّ شو بتفرق عن غيرها قارنوها بغيرها.. نحن بنعرف حتّى حالنا بالمقارنة.. خلقتي حرّه ورح تبقي حرّه … لأنّه الحرّ مابيموت.
جان معوض – بيروت
)
